傳高貝利大帝將登陸英倫執般茅教鞭,韋拉、泰利同為候選人

睇足365 於 18/02/2021 發表 收藏文章
到底「踢而優則教」係咪多數成功?相信好多球迷都會覺得唔係,偏偏近年好多名宿成為領隊,早一兩年更有「球會DNA」風潮,例如蘇斯克查、林柏特、阿迪達、派路等前球員執掌舊球會,今日睇嚟係譭譽參半。另一方面,成功嘅助教,亦未必保證成為成功嘅主教練,因為身為最終負責人,你需要為自己嘅決定負責,例如出邊個唔出邊個,一定會有球員唔開心,又要面對人事問題、更衣室政治、高層壓力。亨利正正係擔任助教時口碑甚佳,但擔正時就迅速觸礁,最近佢有機會去英國教波,可唔可以經得起考驗呢?


根據The Guardian、The Mirror、TSN等傳媒報道,現時處於英冠嘅般尼茅夫早前解僱主帥天杜爾(Jason Tindall),現正展開新帥招募程序,最新消息傳出阿仙奴名宿亨利即將成為般尼茅夫下任領隊。

loading

loading


「高貝利大帝」亨利退役後擔任比利時國家隊主帥馬天尼斯嘅副手,口碑甚佳,得到馬天尼斯大讚有力成為一名出色主帥。2018年,亨利獲邀出任母會摩納哥主帥,以為擁有「球會DNA」、名宿光環壓場,加上擔任助攻時嘅口碑,應該唔差,點知教咗20場只得4勝5和11負,排第19位,最終半季被炒。


2019年,亨利出任美職聯球隊蒙特利爾衝擊(Montreal Impact)主帥,於美職聯表現麻麻,只係排全聯盟尾三,未能打入季後賽,但取得加拿大錦標賽冠軍,鑒於蒙特利爾規模、往績,亨利並冇提升到球隊亦唔算差咗,即係成績平平。現時蒙特利爾於美職聯23戰8勝2和13負,暫時排東岸第9位、全聯盟第18位,亨利與球會合約於今季結束後完結,視乎球會是否啟動續約條款,相信亦要睇埋今季最終成績,如果繼續停滯不前,甚至倒退,亨利當然唔會獲得續約。

loading

loading

loading
loading


報道稱,除亨利以外,般尼茅夫新帥候選人包括大衛華拿、韋拉及泰利。如亨利上任,將會與前阿仙奴中場韋舒亞合作。現時般尼茅夫由前英格蘭國腳中堅活基治暫領,近三戰保持不敗,暫時排英冠第6位,但球會堅持喺外面尋找新主帥,希望繼續衝擊升班。

loading
loading


同場加映新鮮滾熱辣,雲加被問到亨利及韋拉執教般尼茅夫傳聞:
loading

如果喜歡我們的文章,請即分享到︰

標籤: 亨利  

留言


請按此登錄後留言。未成為會員? 立即註冊
    快捷鍵:←
    快捷鍵:→