保方叔叔變隊友 總統韋亞之子26年後承父志,射入個人首個PSG法甲入球

睇足365 於 14/08/2018 發表 收藏文章

由2008年開始,金球獎 (Ballon d'Or) 得主唔係美斯就係C朗拿度,呢個象徵球壇個人最高榮譽之一嘅獎項,每位得主都足以名留青史。現任利比利亞 (Liberia) 總統佐治韋亞 (George Weah) ,年輕時以球員身份叱吒球壇,係史上第一位國籍為歐洲以外嘅金球獎得主,時至今日仍然係唯一一個獲得金球獎嘅非洲球員,新一輩球迷應該冇睇過佢1995年得獎前嘅表現,希望從以上描述可以多少感受到佢嘅偉大之處。


佐治韋亞於1988年由非洲登陸法甲,當時一手將佢帶到歐洲球壇嘅,正係時任摩納哥主帥雲加。4年之後,韋亞加盟巴黎聖日耳門 (1992-1995),然後轉投AC米蘭 (1995-2000),喺1995年榮獲金球獎。


事至今日,韋亞貴為一國元首,兒子添莫菲韋亞 (Timothy Weah) 已經成為巴黎聖日耳門一隊成員。同樣司職前鋒嘅添莫菲韋亞,年僅18歲,已經得到法甲上陣機會。喺最近一場法甲比賽,PSG主場迎戰卡昂,添莫菲韋亞82分鐘入替尼馬登場,第一次法甲上陣,添莫菲韋亞憑努力,把握對手門將失誤建功,取得個人第一個法甲入球。

loading


佐治韋亞取得加盟PSG第一個法甲入球嘅日子,係26年前,今日終於輪到囝囝。

loading

同爸爸唔同嘅係,添莫菲韋亞並非代表利比利亞國家隊,佢喺美國紐約出生及長大,曾短暫加入過紐約紅牛青訓,代表過美國青年國家隊,喺今年正式成為美國大國腳,已經為美國成年隊上陣3次攻入1球。


另一方面,唔係淨係老一輩球迷睇到呢單新聞先會覺得自己已經老,老牌門神保方曾經同佐治韋亞交手,而家作為添莫菲韋亞嘅隊友,佢加盟祖雲達斯嘅時候 (2001),添莫菲韋亞只係一歲……


Source: Sportbible

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→