摩連奴同哥迪奧拿，喺當今足球教練中堪稱一時瑜亮，摩連奴曾經喺巴塞工作，哥迪奧拿係前巴塞中場，兩人後來執教風格截然不同，一個偏好防守反擊、一個重視傳控進攻，後來一個教皇馬、一個教巴塞，而家一個曼聯、一個曼城，你話佢哋冇心打對台都冇人信。
今季，兩位領隊一個天堂一個地獄，曼城以接近無敵姿態喺英超聯賽榜大幅領先，同時打出悅目進攻足球，曼聯嘅表現就屢受質疑，而且亦被批評沉悶保守 (雖然曼聯聯賽積分其實不至於糟糕) 。正當曼聯喺歐聯16強抽中相對較弱對手西維爾時，球迷自然寄望球隊能借機喺歐聯打出好成績，彌補喺聯賽被同城宿敵壓下嘅失落，點知曼聯竟然喺主場以1-2輸波出局，摩連奴都成為批評目標之一。其實早前已經有球評提出，如果普巴喺哥帥麾下，到底會唔會更強呢個疑問，阿仙奴名宿伊恩胡禮更認為，如果哥迪奧拿執教曼聯，結果都會好似曼城今季咁出色。
伊恩胡禮喺《Sky Sports》表示：「如果你將呢兩隊波（曼聯及曼城）擺埋一齊，喺各自最強嘅能力下踢一場比賽，會係一場好緊湊嘅比賽。
因為當你睇下曼城隊波嘅時候，你會發現佢哋全隊嘅步伐一致。再睇下曼聯，以個人嚟講，佢哋都係好好嘅球員，就好似曼城球員咁勁。
不過佢哋唔係一個整體，佢哋並冇好似一個整體咁樣合作，而且當佢哋好似曼城一樣被訓練為一個整體嘅時候，我相信佢哋會同曼城差唔多咁勁。
如果兩隊波交換教練，我覺得曼聯會做到同曼城一樣嘅嘢，因為佢哋有一啲球員，係可以喺哥迪奧拿調整下變得更好，毫無疑問，因為佢唔會好似摩連奴咁樣教波。」
伊恩胡禮仲話，認為曼聯球員喺哥迪奧拿麾下會踢得更享受：
「你唔能夠同我講，曼聯球員唔會妒忌曼城球員踢得有幾爽有幾自由。你冇辦法話普巴、拉舒福特同馬迪爾就係鍾意好似而家咁踢。曼城球員就係想好似而家咁踢，佢哋踢波就好似玩緊咁樣。」
Source: Sky Sports
今季，兩位領隊一個天堂一個地獄，曼城以接近無敵姿態喺英超聯賽榜大幅領先，同時打出悅目進攻足球，曼聯嘅表現就屢受質疑，而且亦被批評沉悶保守 (雖然曼聯聯賽積分其實不至於糟糕) 。正當曼聯喺歐聯16強抽中相對較弱對手西維爾時，球迷自然寄望球隊能借機喺歐聯打出好成績，彌補喺聯賽被同城宿敵壓下嘅失落，點知曼聯竟然喺主場以1-2輸波出局，摩連奴都成為批評目標之一。其實早前已經有球評提出，如果普巴喺哥帥麾下，到底會唔會更強呢個疑問，阿仙奴名宿伊恩胡禮更認為，如果哥迪奧拿執教曼聯，結果都會好似曼城今季咁出色。
伊恩胡禮喺《Sky Sports》表示：「如果你將呢兩隊波（曼聯及曼城）擺埋一齊，喺各自最強嘅能力下踢一場比賽，會係一場好緊湊嘅比賽。
因為當你睇下曼城隊波嘅時候，你會發現佢哋全隊嘅步伐一致。再睇下曼聯，以個人嚟講，佢哋都係好好嘅球員，就好似曼城球員咁勁。
不過佢哋唔係一個整體，佢哋並冇好似一個整體咁樣合作，而且當佢哋好似曼城一樣被訓練為一個整體嘅時候，我相信佢哋會同曼城差唔多咁勁。
如果兩隊波交換教練，我覺得曼聯會做到同曼城一樣嘅嘢，因為佢哋有一啲球員，係可以喺哥迪奧拿調整下變得更好，毫無疑問，因為佢唔會好似摩連奴咁樣教波。」
伊恩胡禮仲話，認為曼聯球員喺哥迪奧拿麾下會踢得更享受：
「你唔能夠同我講，曼聯球員唔會妒忌曼城球員踢得有幾爽有幾自由。你冇辦法話普巴、拉舒福特同馬迪爾就係鍾意好似而家咁踢。曼城球員就係想好似而家咁踢，佢哋踢波就好似玩緊咁樣。」
Source: Sky Sports
請按此登錄後留言。未成為會員? 立即註冊