相信大家仲記得喺今季開始冇幾耐，天價加盟巴黎聖日耳門嘅巴西球星尼馬，曾經同卡雲尼爭射12碼，仲傳出不和。之後好似冇咗件事，但其實由嗰場波開始，PSG嘅12碼已經改由尼馬操刀，不過喺今個周中法甲賽期，卡雲尼喺比賽中搏到12碼，仲諗住自己射埋，不過佢似乎註定要成為呢場12碼爭奪戰嘅最終輸家，但兩位球星今次有冇嗌交呢？
講返今場波之前，不妨簡單重溫上集提要先。話說喺9月17日法甲比賽，PSG主場對里昂，本來卡雲尼喺伊巴離開之後終於一嘗做當家射手嘅滋味，點知呢一季就殺出個天價尼馬，喺呢場波入面，卡雲尼同尼馬兩位球星首先爭勝罰球，第一次由尼馬爭贏，之後到再爭射12碼，本身被主帥委任做劊子手嘅卡雲尼寸步不讓，點知自己操刀就射失咗球12碼。
法國報章事後就傳佢哋兩個返到更衣室嗌大交，仲差啲大打出手，加上之後有報導話班主願意拎100萬歐元俾卡雲尼作補償 (本來有指卡雲尼為咗合約入面法甲金靴獎條款嗰100萬獎金先企硬要射12碼)，想佢讓出主射12碼嘅權利俾「新寵」尼馬，但佢唔願意接受呢個條件，件事似乎搞到好僵。不過如果所有報導都係真嘅話，尼馬都好識做，因為報導話佢之後向全體隊友道歉，而卡雲尼都話大家踢波爭下射12碼好平常，唔會影響球隊和睦。
唔知係咪因為有落台階，件事就搞掂咗，喺嗰場波之後，PSG嘅劊子手就轉咗做尼馬。另一邊廂，卡雲尼就話雖然同尼馬唔係好朋友，但都欣賞佢好波同埋會一齊幫助球隊：「尼馬係一個好成功嘅球員，而且識得處理壓力。……我哋唔需要做朋友，但我哋喺球場上會互相幫助。」
喺最近一場法甲比賽中，PSG主場對特魯瓦，喺比賽仲係0-0嘅時候，卡雲尼喺禁區被拉跌，球證判罰12碼。已經成為球隊劊子手嘅尼馬自然行埋去準備射，但搏得12碼嘅卡雲尼就想親自操刀，兩人溝通之後，由卡雲尼主射，點知就俾門將撲出。
今次卡雲尼爭射12碼點知射失咗，連埋上次9月嗰球連續兩球宴客，馬後炮嚟講都可以話係「衝出嚟柒」，相信以後都要繼續俾返尼馬射架喇。
不過，小弟覺得今次嘅重點係兩人嘅處理手法，佢哋係咪真係做到之前所講咁樣，成熟處理件事呢？首先，卡雲尼同尼馬講想自己射返嗰陣，似乎就冇任何爭拗。到卡雲尼射失之後，兩人亦都冇面阻阻，尼馬喺73分鐘入波，卡雲尼都有上前恭喜尼馬。去到90分鐘，尼馬更加助攻卡雲尼射成2-0，兩人仲擊掌慶祝。
https://i.imgur.com/RHKgYIo.gif
https://i.imgur.com/JfMZpeL.gifhttps://i.imgur.com/0RuPNmw.gif
佢哋私底下有冇反面就唔知，但作為職業球員，可以喺球場上面尊重隊友，放低芥蒂，你個位靚嘅我傳俾你射，盡力合作幫助球隊贏波，可見佢哋今次的確可以成熟處理呢件事，抵讚！
全場精華
https://youtu.be/atnjrUzgG_s
Source: Goal.com、Mirror、The Sun
講返今場波之前，不妨簡單重溫上集提要先。話說喺9月17日法甲比賽，PSG主場對里昂，本來卡雲尼喺伊巴離開之後終於一嘗做當家射手嘅滋味，點知呢一季就殺出個天價尼馬，喺呢場波入面，卡雲尼同尼馬兩位球星首先爭勝罰球，第一次由尼馬爭贏，之後到再爭射12碼，本身被主帥委任做劊子手嘅卡雲尼寸步不讓，點知自己操刀就射失咗球12碼。
法國報章事後就傳佢哋兩個返到更衣室嗌大交，仲差啲大打出手，加上之後有報導話班主願意拎100萬歐元俾卡雲尼作補償 (本來有指卡雲尼為咗合約入面法甲金靴獎條款嗰100萬獎金先企硬要射12碼)，想佢讓出主射12碼嘅權利俾「新寵」尼馬，但佢唔願意接受呢個條件，件事似乎搞到好僵。不過如果所有報導都係真嘅話，尼馬都好識做，因為報導話佢之後向全體隊友道歉，而卡雲尼都話大家踢波爭下射12碼好平常，唔會影響球隊和睦。
唔知係咪因為有落台階，件事就搞掂咗，喺嗰場波之後，PSG嘅劊子手就轉咗做尼馬。另一邊廂，卡雲尼就話雖然同尼馬唔係好朋友，但都欣賞佢好波同埋會一齊幫助球隊：「尼馬係一個好成功嘅球員，而且識得處理壓力。……我哋唔需要做朋友，但我哋喺球場上會互相幫助。」
喺最近一場法甲比賽中，PSG主場對特魯瓦，喺比賽仲係0-0嘅時候，卡雲尼喺禁區被拉跌，球證判罰12碼。已經成為球隊劊子手嘅尼馬自然行埋去準備射，但搏得12碼嘅卡雲尼就想親自操刀，兩人溝通之後，由卡雲尼主射，點知就俾門將撲出。
今次卡雲尼爭射12碼點知射失咗，連埋上次9月嗰球連續兩球宴客，馬後炮嚟講都可以話係「衝出嚟柒」，相信以後都要繼續俾返尼馬射架喇。
不過，小弟覺得今次嘅重點係兩人嘅處理手法，佢哋係咪真係做到之前所講咁樣，成熟處理件事呢？首先，卡雲尼同尼馬講想自己射返嗰陣，似乎就冇任何爭拗。到卡雲尼射失之後，兩人亦都冇面阻阻，尼馬喺73分鐘入波，卡雲尼都有上前恭喜尼馬。去到90分鐘，尼馬更加助攻卡雲尼射成2-0，兩人仲擊掌慶祝。
https://i.imgur.com/RHKgYIo.gif
https://i.imgur.com/JfMZpeL.gifhttps://i.imgur.com/0RuPNmw.gif
佢哋私底下有冇反面就唔知，但作為職業球員，可以喺球場上面尊重隊友，放低芥蒂，你個位靚嘅我傳俾你射，盡力合作幫助球隊贏波，可見佢哋今次的確可以成熟處理呢件事，抵讚！
全場精華
https://youtu.be/atnjrUzgG_s
Source: Goal.com、Mirror、The Sun
請按此登錄後留言。未成為會員? 立即註冊