【亞運男足】南韓加時挫日本奪金牌,孫興民終免兵役!

睇足365 於 02/09/2018 發表 收藏文章
2018雅加達亞運男子足球決賽,由兩大東亞勁旅南韓及日本聯手炮製。賽前,南韓沿路擊敗伊朗、香港隊對手烏茲別克,再贏越南殺入決賽。另一邊廂,日本就擊敗咗西亞強敵沙特阿拉伯、阿聯酋。相比起只派出以U21球員為主嘅日本,南韓U23今次爭勝心更盛,原因正係為咗免服兵役。


眾所周知,南韓國民必須為國服兵役,連演藝界天王巨星都唔例外,而且更係運動員噩夢。足球員生涯苦短,有力外流嘅球員被逼按規定喺28歲前回國服役,黃金之年勢必毀於一旦,所以每一代南韓國腳都全力爭取免服兵役。南韓頭號球星孫興民,上季喺英超熱刺穩佔主力位置實屬難能可貴,如果現年26歲嘅佢要受兵役,實在太可惜。相比世界盃及奧運,亞運係佢哋最大機會,根據南韓法例,佢哋只要喺亞運取得金牌就可以免役。


南韓喺亞運男足項目派出三位超齡球員,分別係隊長孫興民、世界盃門將趙賢祐及前鋒黃義助,全力爭取亞運金牌,決賽全場壓住日本狂攻,但未能把握機會,令比賽拖入加時。93分鐘,孫興民禁區接應推橫稍遠,李昇祐勁射破網,打破僵局。101分鐘,孫興民處理左路罰球,黃喜燦遠柱頂成2-0。115分鐘,日本由上田綺世接應角球頂入追回一球,但仍無阻南韓以2-1奪金。

南韓繼上屆亞運足球決賽擊敗北韓之後,衛冕成功,意義亦遠不及免兵役大。



Source: BBC

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Borman Chan
    Borman Chan 於 02/09/2018 評論 NO. 1

    收皮啦!成班(人做人)死茅閪

快捷鍵:←
快捷鍵:→