車路士喺最近一場英超比賽中，順利以2-0擊敗白禮頓，以20戰42分排喺聯賽榜第3位，嚟緊周末對史篤城將會係佢哋2017年最後一場比賽，相信領隊干地已經諗緊冬季轉會窗嘅事。
車路士今季其中一個需要處理嘅問題，係中場嘅配搭問題，特別係新援巴卡約高嘅表現稱唔上係一流。如果暫時拋開價錢同球會放售意願嘅因素唔講，拜仁慕尼黑中場維度爾似乎係車路士嘅「完美拼圖」，佢攔截力強、位置感好、覆蓋範圍廣、仲可以後上支援進攻，最重要嘅係佢嘅「鬥士性格」，唔好話車路士，一個咁嘅球員其實大部分球隊都想要，不過干地有一個優勢，就係曾經同佢喺祖雲達斯合作過。
擊敗白禮頓之後嘅記者會中，喺傳媒追問之下，干地把口就話唔想評論，但實際上冇否認引入維度爾嘅傳聞，仲大讚呢位智利中場：
「我唔會去談論其他球隊嘅球員。我一定要好誠實，去講其他隊嘅球員係唔啱嘅，特別係當你哋嘗試將佢同我哋球隊拎嚟一齊講嘅時候。」
「不過Arturo（維度爾）係一個非凡嘅球員，我對佢十分尊重，而且我哋曾經喺祖雲達斯共事多年。」
「如果我哋要去打仗，我永遠都想有佢同我一齊。」
根據《ESPN》引述報導，智利傳媒《La Cuarta》甚至指干地已經打電話游說維度爾喺2018年夏天加盟車路士，仲話佢將會獲得雙倍人工添，真係信不信由你。
Source: ESPN、Daily Mail、Mirror
車路士今季其中一個需要處理嘅問題，係中場嘅配搭問題，特別係新援巴卡約高嘅表現稱唔上係一流。如果暫時拋開價錢同球會放售意願嘅因素唔講，拜仁慕尼黑中場維度爾似乎係車路士嘅「完美拼圖」，佢攔截力強、位置感好、覆蓋範圍廣、仲可以後上支援進攻，最重要嘅係佢嘅「鬥士性格」，唔好話車路士，一個咁嘅球員其實大部分球隊都想要，不過干地有一個優勢，就係曾經同佢喺祖雲達斯合作過。
擊敗白禮頓之後嘅記者會中，喺傳媒追問之下，干地把口就話唔想評論，但實際上冇否認引入維度爾嘅傳聞，仲大讚呢位智利中場：
「我唔會去談論其他球隊嘅球員。我一定要好誠實，去講其他隊嘅球員係唔啱嘅，特別係當你哋嘗試將佢同我哋球隊拎嚟一齊講嘅時候。」
「不過Arturo（維度爾）係一個非凡嘅球員，我對佢十分尊重，而且我哋曾經喺祖雲達斯共事多年。」
「如果我哋要去打仗，我永遠都想有佢同我一齊。」
引用"I don’t speak about players from other teams’ card. I must be honest, it's not right to talk about a player from another team - especially if you try to link this player with us.
"But [Arturo] is a fantastic player. I have a great respect for Arturo, and we spent many years in Juventus together.
If we go to war, I'd always want him with me."
根據《ESPN》引述報導，智利傳媒《La Cuarta》甚至指干地已經打電話游說維度爾喺2018年夏天加盟車路士，仲話佢將會獲得雙倍人工添，真係信不信由你。
Source: ESPN、Daily Mail、Mirror
請按此登錄後留言。未成為會員? 立即註冊