超級新星夏蘭特 (Erling Haaland) 年僅19歲已經大放異彩，喺歐聯及德甲等大舞台都能證明自己，好多佢小時候喜歡嘅球星仲踢緊波，其中比較為人所知嘅就係佢曾經話過希望效法嘅C朗拿度同伊巴謙莫域。夏蘭特最近就收到一件簽名球衣，令佢十分興奮，呢件波衫嘅原主人有少少令人意想不到，估唔到佢喺夏蘭特心目中同樣有重要地位。
原來夏蘭特其中一個兒時偶像係曾經效力史雲斯嘅西班牙前鋒米祖 (Michu，Miguel Pérez Cuesta) 。現年33歲嘅米祖其實已於3季前結束職業球員生涯，佢現時於西乙B球會貝高斯 (Burgos CF) 擔任體育總監。米祖知道自己曾經係夏蘭特嘅偶像，早前喺球會Twitter上面展示一件印有夏蘭特名字同自己簽名嘅貝高斯球衣，可以想像當中固然有為球會宣傳嘅動機，但仍令夏蘭特相當高興，佢喺自己Twitter上面轉發，大讚米祖係一代傳奇。
好多人都覺得夏蘭特崇拜米祖係令人詫異嘅事，畢竟米祖唔係乜嘢超級球星，亦冇效力過豪門球會，覺得夏蘭特品味相當獨特。夏蘭特之後就喺Twitter上面分享咗一個因為今次送波衫事件引起關注而出現嘅回顧post，話唔會忘記米祖當年嘅驚人表現。
回顧返米祖球員生涯，佢喺西班牙老牌球會奧維度出道，之後效力過切爾達，但咁多年嚟就算喺西乙都冇太出彩嘅表現。去到2011-12球季，佢轉投華歷簡奴，首次於西甲登場，當時已經25歲，但佢可謂一鳴驚人，37場聯賽射入15球，隨即吸引到英超球隊史雲斯嘅招手。
正係米祖於華歷簡奴登場之制，史雲斯首次於英格蘭頂級聯賽登場就奇蹟般以中游位置完成，第二季就購入米祖，當時球隊由米高盧特立帶領，尤記得米祖本來定位係取得結束外借及由賀芬咸轉投熱刺嘅施格臣，被當成一名具有後上入球能力嘅進攻中場，類似一名影子前鋒嘅角色，但米高盧特立將佢改造成正前鋒，充分利用佢嘅門前觸覺，需要時又相當於多一名中場球員墮後協助組織，結果佢35場英超射入18球，又於盃賽射入4球，以一位大器晚成、初登英超、只花費200萬鎊轉會費，兼且並非效力大球會嘅球員嚟講，可謂驚人演出，更藉此入選西班牙國家隊。
可惜去到第二季 (2013-14)，佢神奇不再，一方面其他球隊唔會再低估佢嘅能力，會透過分析去針對部署，另一方面，佢更受到傷患困擾，上陣時間大減，結果只於聯賽上陣17場，僅收穫2個入球。但一季之後，佢仍然吸引到拿坡里，可能係因為成本唔高，僅需要125萬歐元借用一季，但米祖錯過再次證明自己嘅機會，因為骨膜炎傷出達222日，自此離開主流球迷視野。
2015-16球季，米祖作出驚人選擇，佢毅然轉投西班牙第四級別聯賽球會蘭格里奧 (UP Langreo) ，成為業餘球員，原因唔係因為佢冇人要，而係佢自覺喺傷患後身體狀況不佳，更感到迷失，於是去到呢間由佢哥哥執教嘅球會，希望重拾快樂足球、重拾純粹嘅比賽感覺，順便提升身體狀態。一季之後，佢重返於西乙征戰嘅母會奧維度效力，其實佢早於2012年成名之時已經與辛迪卡蘇拿及馬達購入奧維度股份，拯救陷入財困危機嘅母會，反映佢飲水思源不忘初心，最終亦回歸母會效力一季退役。米祖於2019年底上任成為西乙B球會貝高斯體育總監。
其實，夏蘭特亦冇因為米祖嘅一閃即逝而離棄偶像，佢去到2016年仍然喺Instagram上面用米祖去tag自己，相當長情。
事實上，米祖當年喺史雲斯雖然只係一季貨仔，但已經足以令佢喺球迷心目中留下深刻印象，史雲斯球迷唔會忘記佢嘅傳奇。
Michu makes emotional return to the Swans | Interview & BTS
https://youtu.be/b26Lwq816Ac
Source: BBC、GiveMeSport
原來夏蘭特其中一個兒時偶像係曾經效力史雲斯嘅西班牙前鋒米祖 (Michu，Miguel Pérez Cuesta) 。現年33歲嘅米祖其實已於3季前結束職業球員生涯，佢現時於西乙B球會貝高斯 (Burgos CF) 擔任體育總監。米祖知道自己曾經係夏蘭特嘅偶像，早前喺球會Twitter上面展示一件印有夏蘭特名字同自己簽名嘅貝高斯球衣，可以想像當中固然有為球會宣傳嘅動機，但仍令夏蘭特相當高興，佢喺自己Twitter上面轉發，大讚米祖係一代傳奇。
好多人都覺得夏蘭特崇拜米祖係令人詫異嘅事，畢竟米祖唔係乜嘢超級球星，亦冇效力過豪門球會，覺得夏蘭特品味相當獨特。夏蘭特之後就喺Twitter上面分享咗一個因為今次送波衫事件引起關注而出現嘅回顧post，話唔會忘記米祖當年嘅驚人表現。
回顧返米祖球員生涯，佢喺西班牙老牌球會奧維度出道，之後效力過切爾達，但咁多年嚟就算喺西乙都冇太出彩嘅表現。去到2011-12球季，佢轉投華歷簡奴，首次於西甲登場，當時已經25歲，但佢可謂一鳴驚人，37場聯賽射入15球，隨即吸引到英超球隊史雲斯嘅招手。
正係米祖於華歷簡奴登場之制，史雲斯首次於英格蘭頂級聯賽登場就奇蹟般以中游位置完成，第二季就購入米祖，當時球隊由米高盧特立帶領，尤記得米祖本來定位係取得結束外借及由賀芬咸轉投熱刺嘅施格臣，被當成一名具有後上入球能力嘅進攻中場，類似一名影子前鋒嘅角色，但米高盧特立將佢改造成正前鋒，充分利用佢嘅門前觸覺，需要時又相當於多一名中場球員墮後協助組織，結果佢35場英超射入18球，又於盃賽射入4球，以一位大器晚成、初登英超、只花費200萬鎊轉會費，兼且並非效力大球會嘅球員嚟講，可謂驚人演出，更藉此入選西班牙國家隊。
可惜去到第二季 (2013-14)，佢神奇不再，一方面其他球隊唔會再低估佢嘅能力，會透過分析去針對部署，另一方面，佢更受到傷患困擾，上陣時間大減，結果只於聯賽上陣17場，僅收穫2個入球。但一季之後，佢仍然吸引到拿坡里，可能係因為成本唔高，僅需要125萬歐元借用一季，但米祖錯過再次證明自己嘅機會，因為骨膜炎傷出達222日，自此離開主流球迷視野。
2015-16球季，米祖作出驚人選擇，佢毅然轉投西班牙第四級別聯賽球會蘭格里奧 (UP Langreo) ，成為業餘球員，原因唔係因為佢冇人要，而係佢自覺喺傷患後身體狀況不佳，更感到迷失，於是去到呢間由佢哥哥執教嘅球會，希望重拾快樂足球、重拾純粹嘅比賽感覺，順便提升身體狀態。一季之後，佢重返於西乙征戰嘅母會奧維度效力，其實佢早於2012年成名之時已經與辛迪卡蘇拿及馬達購入奧維度股份，拯救陷入財困危機嘅母會，反映佢飲水思源不忘初心，最終亦回歸母會效力一季退役。米祖於2019年底上任成為西乙B球會貝高斯體育總監。
其實，夏蘭特亦冇因為米祖嘅一閃即逝而離棄偶像，佢去到2016年仍然喺Instagram上面用米祖去tag自己，相當長情。
事實上，米祖當年喺史雲斯雖然只係一季貨仔，但已經足以令佢喺球迷心目中留下深刻印象，史雲斯球迷唔會忘記佢嘅傳奇。
Michu makes emotional return to the Swans | Interview & BTS
https://youtu.be/b26Lwq816Ac
Source: BBC、GiveMeSport
請按此登錄後留言。未成為會員? 立即註冊