女女出世,法卡奧做老豆!

足球新鮮事 於 15/08/2013 發表 收藏文章
哥倫比亞球員法卡奧今年真係行運行到落腳趾尾,早前以高價加盟法甲富豪球會摩納哥,最近佢仲做埋老豆。
法卡奧喺instagram鋪出新生女兒嘅小腿照片,足踝位置就掛住個姓名牌,原來女女叫做嘉西亞多米尼克。法卡奧話新生命誕生係上帝恩賜,依家情緒仍然激動。法卡奧仲話首次做爸爸嘅感覺好特別,仲話好快就要學換尿片同開奶。因為要留喺醫院陪伴妻子及女兒,法卡奧已獲准放假,所以,尋晚哥倫比亞對塞爾維亞嘅熱身賽都無出席。
*可能睇唔到,小編放多條link啦:http://instagram.com/p/c8tY-Ap-xA/#
或者因為法卡奧B女出世沖喜,摩納哥亦有好消息公布,球隊今季無需扣兩分。事緣去季摩納哥於最後一場主場對勒芒勝出之後,在場球迷瘋狂搗亂,於場內放煙花及向球證動粗。賽會本來處罰球隊今季負兩分起步,幸摩納哥成功「打甩」,惟第三輪聯賽對圖盧茲需閉門作賽。
標籤: 法卡奧  摩納哥  

留言


請按此登錄後留言。未成為會員? 立即註冊
    快捷鍵:←
    快捷鍵:→