衰咸濕破財!西班牙球星顧住開P唔見錢!

足球新鮮事 於 27/06/2013 發表 收藏文章
上星期,西班牙大軍係入住嘅累西腓金色鬱金香酒店發生失竊案!當中,碧基、卡斯拿斯、沙治奧拉莫斯、恩尼斯達、辛迪卡索拉都唔見錢,而碧基更加唔見咗千幾蚊歐羅!
點知,巴西《環球體育》一嘢踢爆!原來唔見錢嘅5位人兄都係因為衰咸濕,搵咗5條巴西索女開P,大玩「剝光豬啤牌」,結果玩到連錢都俾人偷埋!!!

根據《環球體育》報道,西班牙係星期日鬥完烏拉圭之後,碧基、卡斯拿斯、沙治奧拉莫斯、恩尼斯達、辛迪卡索拉同一個教練就約埋係酒店開P,仲搵埋一個森巴樂團黎表演助興。不過呢個樂團原來唔只表演咁簡單,仲帶多5條索女黎招呼佢哋,結果成班人玩到天光先散場,隨後5個球員就發現夾埋唔見咗幾千歐羅,於是就搵差人幫手啦。
當然,西班牙足總同碧基就梗係唔認啦,於是齊齊出公開聲明否認事件;卡斯拿斯就即刻陪靚靚主播女友補鑊;沙治奧拉莫斯就係instagram鋪相,拉大隊去海灘曬太陽,扮晒乜事都無。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→