艾朗藍斯又入波,今次死邊個?

足球新鮮事 於 15/08/2013 發表 收藏文章
艾朗藍斯嘅「死神展翅」再次製造受害者!
呢位被稱為「死神」嘅球星沉寂一季後魔咒再現,佢上周六喺熱身賽入波助阿仙奴3比1贏曼城,荷蘭政府星期一就宣布二王子弗里索去世嘅消息,荷蘭二王子弗里索日前成為拉登、喬布斯等之後第5個「受害者」。雖然,上季艾朗藍斯兩次入波都冇事發生,睇落好似已經「破咒」,但新球季臨開波前突然又嚟料。佢上周六喺熱身賽入波幫阿仙奴3比1贏曼城,荷蘭政府星期一就宣布二王子弗里索去世嘅消息,真係唔到你唔信邪。
其實,關於艾朗藍斯嘅「死神傳說」於兩年前開始,呢位威爾斯國腳每次為「兵工廠」入波後,4日之內極可能會有國際名人遭遇不測,拉登、喬布斯、卡達菲同雲妮侯斯頓已經先後中招。更神奇嘅係,艾朗藍斯喺2011年12月15日開微博,兩日後北韓領袖金正日都過埋身,連英國《TalkSport》都話佢邪呀!
標籤: 艾朗藍斯  阿仙奴  

留言


請按此登錄後留言。未成為會員? 立即註冊
    快捷鍵:←
    快捷鍵:→