上年度李斯特城驚奇奪得冠軍，當然係有好多天時地利人和之夾，例如big6打不出應有水準。今年打咗咁多場以來，李城看似無以為繼，個個都話因為華迪回塘，同干提走咗所致。作為一位睇咗由上季10月開始睇咗八成李城直播嘅球迷，容許我喺度同大家做個後半季分析，講吓李城各方面有咩問題同有咩應該做。
陣式：
李城用嘅陣容唔計對車路士嘅自殺式352陣式，主要係442同4231。442是否一個錯誤嘅陣式真係任由大家判斷。但係對我嚟講，而家嘅李城一定唔應該再堅持呢一個442嘅陣式。上年442之所以成功，係因為Kante同okasaki成功哋飾演串連中場同進攻點嘅角色。Kante上年可以話成功地示範何謂B2B中場，雖然佢腳下功夫唔算好，但係佢嘅拼勁同攔截功力成功護到技術層面嘅不足，至少可以為兩位老中堅隔開一陣嘅進攻，令佢哋可以專注做城牆迎接高空波。而Okasaki成功之處在於佢可以喺禁區同中圈之間做竄擾，幫Vardy爭取時間插入禁區同埋Mahrez上到嚟施展腳法。而正正今年Okasaki不再受重用，Kante又已經去咗車路士之後，李城嘅442失去咗佢嘅機動性，再次成為過時嘅陣式。Slimani同Vardy表面上一天一地係完美嘅配合，但係偏偏中場嘅quality又不足以為佢哋創造機會，淪為一對紙板。
而4231看似係李城嘅新出路，用Ndidi同Mendy作為雙防中，Drinkwater正中場，兩邊翼鋒加上正中鋒Vardy。但係問題又嚟啦，咁貴價買返嚟嘅Slimani又有咩用呢？唔通要將Vardy變成翼鋒？呢個又係雲爺爺需要諗嘅一件事。
風格：
李斯特城嘅進攻風格大家都知道係以防守反擊為主。但係今年早期嘅時間大家都見到，佢哋大部分時間變咗有優勢嘅一邊而對方縮住嚟打。成條鋒線以至中場線之中，可以踢到幼細組織嘅就只有Mahrez一個，所以當佢俾人封死之後，李城就完全打唔到任何入滲，以致久攻不下。
另外一個問題在於側擊，狐狸長期以Albrighton左翼Mahrez右翼作陣式。Mahrez嘅進攻模式都係以cut inside放波為主，而Albrighton由於錯腳嘅原因亦都較少出波。上年狐狸平均每場cross pass係20球，準確嘅有4.5球，英超排第11位，今年進一步下跌到每場19.1球，只有3.7球係到位，排16位。咁喺無法用短傳滲透，而反擊又唔湊效，亦都唔肯用兩邊側擊嘅話，試問又點樣可以入波呢？
龍門：
今年狐狸由漢諾威收購咗Zieler返嚟作二號龍門，佢嘅定位應該係同Bravo一樣嘅識用波嘅龍門。但係佢到現時為止都唔似能夠適應到英式較多長傳嘅踢法，導致有時會有啲失誤，例如出迎唔夠果斷等等。幸好小舒今年暫時都係中規中矩，無咩大傷或者大失誤。但係佢招牌長傳今年亦都因為中場能力不足嘅問題，即便傳到上去都做成唔到咩威脅。
後衛：
首先等我地睇吓狐狸嘅後防球員名單：
Danny Simpson (30, RB)，Robert Huth (32,CB)，Wes Morgan (32,CB)，Christian Fuchs (30,LB)，Marcin Wasilewski (36,C/RB)，Luis Hernández (27,R/CB)，Ben Chilwell (20,LB)
最大嘅問題就在於係年齡同深度，正選四位後衛平均年齡高達31歲，喺多線作戰底下好明顯出現疲態，尤其係Captain Morgan，作為狐狸罰球嘅唯二威脅，Huth同Morgan經常要全場跑動，體力明顯不足。但係偏偏只有兩位球員適合打中堅，就係炸彈Walsy同Her仔，Walsy同Simpson上年送比兵工廠嘅一張紅牌以及一個不必要嘅補時犯規大禮相信大部份狐狸迷都歷歷在目，Her仔除咗long throw之外亦都無甚突出嘅表現。只有左閘嘅Chilwell可以令大家期望同安心。右閘長期積弱，Simpson防守力不強，而且5"10身形唔算高大，經常被弱點對付，喺對曼聯嗰場都可見一斑。由上年開始講起買右閘嘅呼聲，仍然遙遙無期。
https://www.youtube.com/watch?v=R3iQvPVxPEs
中場：
其實狐狸嘅中場可以話係人滿為患，King Amartey Mendy Ndidi Drinkwater，甚或乎計埋Matty James，但係每一位都唔係特別有咩長處或者突出，除咗Drinkwater嘅killer pass長傳，根本每個中場都冇自己嘅定位。今日對住修咸頓呢場波更加顯出Drinkwater Mendy Ndidi默契不足嘅問題。雲爺爺一路obsessed with Kante嘅代替品，而偏偏令到狐狸囤積一堆中場，但係得物無所用。一堆防守中場而控球能力不足，就算成功做到逼搶亦每每三兩下就甩波，亦都成為狐狸其中一個弱點。
邊路：
狐狸嘅邊路可以話係唯一一個長處，雖然雲爺爺堅持唔用側擊。Mahrez今季雖然狀態因為被重點看守而持續低沉，但係佢始終係一位世界級嘅翼鋒，只可惜中場未能配合。上年佢每場有3.5次引球推進，1.8球key pass，17入球11助攻，今年去到而家每場只有2.2次推進，1.3球key pass，3入球2助攻。左翼原本有Schlupp呢位正宗左腳左翼可以配合Mahrez嘅右翼preference，可惜上季傷完之後被閒置，早前亦都加盟咗水晶宮。但係仍然有幾高速度嘅Albrighton，同埋新人Gray，呢位速度射術兼備嘅球員絕對可以為狐狸注入動力。而最大嘅問題就在於今夏嘅收購，Kapustka。呢一位翼鋒理應係一位波蘭嘅新星，但係雲爺爺遲遲唔肯派佢嘗試打一隊，如果連352都夠膽打，雲爺爺究竟點解唔肯出kapustka？https://www.youtube.com/watch?v=06OuE3WFmB8
前鋒：
首先講講Vardy，好多人話佢今季回咗塘，但係事實上，佢只係因為少咗機會。對曼城大演帽子戲法嗰場已經充分顯示出佢嘅射手觸覺，咁點解今年會少咗咁多產量。睇番上年Vardy嘅24個英超入球，大部分都係快攻情況吓1on1/2射入，今年好明顯因為對面隊嘅防線縮後咗而少咗反擊機會。另外，狐狸欠缺一位進攻中為佢穿針引線。Vardy係射手型中鋒，可以間中推一兩腳，但係唔擅長於用控球製造自己嘅空位。上年Okasaki可以勉強做到呢一個效果(我一直認為上年係4411多於442)，今年佢嘅拍檔係同樣需要人餵波嘅Slimani，變相機會大減。上年每場Vardy有3.2腳施射，1.1次推進及1.3個keypass，但係今年急降至1.3施射0.4推進0.7key oass，並非完全係佢問題。今年好多時見到Vardy需要喺禁區邊路自己攞波，即使攞到亦都欠缺支援。Vardy並唔係只有射術嘅前鋒，佢亦都可以用自己嘅觸覺同大局觀有一啲短傳造成助攻，但係前提係需要支援。
https://www.youtube.com/watch?v=7vY6CAeuqWo
Slimani，三千萬鎊嘅收購。雲爺爺的確收到佢想要嘅效果，一位頭槌了得嘅Target Man。但係都係同樣問題，欠缺一位進攻中場串連中場爭奪戰嘅成果同埋前鋒線嘅球員。而喺雲爺爺堅持不用出波嘅戰術之下，亦都變得得物無所用。
Musa係一個特別啲嘅例子。其實喺對巴塞嗰場到我哋睇得出呢位球員係有啲速度同埋遠射腳頭，可惜嚟到聯賽就唔可以發揮到全部實力。一嚟Vardy+Musa呢個空有速度嘅組合係一個災難式嘅存在，二嚟佢欠缺傳球嘅視野成為佢轉型做442左翼嘅阻力，喺好多場賽事入面都見到Musa速度爆贏對方，但係直接推出底線。但係而家亦都有一個新轉機，假如變咗433之後Musa可唔可以成功轉型成為較著重攻擊同射球嘅翼鋒呢？亦都幾令人期待，前提係狐狸要轉型成為側擊球隊。
Musa對巴塞：
https://www.youtube.com/watch?v=FLBkbFZRu6U
展望：
點解呢篇叫固執的雲爺爺？其實李城要翻身有幾個關鍵，例如收購右閘同進攻中場，以及打多啲側擊。但係偏偏雲爺爺唔知點解執着於防守反擊同埋Kante代替品，間接令到狐狸跌入如此窘境。呢一份固執亦都喺雪藏Kapustka，拒絕換人同改變陣式上面見到。雲爺爺最近先攞到年度最佳領隊，但係今年嘅表現係完全於水準之下。打咗22場比賽，冬季轉會窗亦都就嚟完結，狐狸食粥定係食元寶蠟燭就係睇雲爺爺嘅操作啦。
陣式：
李城用嘅陣容唔計對車路士嘅自殺式352陣式，主要係442同4231。442是否一個錯誤嘅陣式真係任由大家判斷。但係對我嚟講，而家嘅李城一定唔應該再堅持呢一個442嘅陣式。上年442之所以成功，係因為Kante同okasaki成功哋飾演串連中場同進攻點嘅角色。Kante上年可以話成功地示範何謂B2B中場，雖然佢腳下功夫唔算好，但係佢嘅拼勁同攔截功力成功護到技術層面嘅不足，至少可以為兩位老中堅隔開一陣嘅進攻，令佢哋可以專注做城牆迎接高空波。而Okasaki成功之處在於佢可以喺禁區同中圈之間做竄擾，幫Vardy爭取時間插入禁區同埋Mahrez上到嚟施展腳法。而正正今年Okasaki不再受重用，Kante又已經去咗車路士之後，李城嘅442失去咗佢嘅機動性，再次成為過時嘅陣式。Slimani同Vardy表面上一天一地係完美嘅配合，但係偏偏中場嘅quality又不足以為佢哋創造機會，淪為一對紙板。
而4231看似係李城嘅新出路，用Ndidi同Mendy作為雙防中，Drinkwater正中場，兩邊翼鋒加上正中鋒Vardy。但係問題又嚟啦，咁貴價買返嚟嘅Slimani又有咩用呢？唔通要將Vardy變成翼鋒？呢個又係雲爺爺需要諗嘅一件事。
風格：
李斯特城嘅進攻風格大家都知道係以防守反擊為主。但係今年早期嘅時間大家都見到，佢哋大部分時間變咗有優勢嘅一邊而對方縮住嚟打。成條鋒線以至中場線之中，可以踢到幼細組織嘅就只有Mahrez一個，所以當佢俾人封死之後，李城就完全打唔到任何入滲，以致久攻不下。
另外一個問題在於側擊，狐狸長期以Albrighton左翼Mahrez右翼作陣式。Mahrez嘅進攻模式都係以cut inside放波為主，而Albrighton由於錯腳嘅原因亦都較少出波。上年狐狸平均每場cross pass係20球，準確嘅有4.5球，英超排第11位，今年進一步下跌到每場19.1球，只有3.7球係到位，排16位。咁喺無法用短傳滲透，而反擊又唔湊效，亦都唔肯用兩邊側擊嘅話，試問又點樣可以入波呢？
龍門：
今年狐狸由漢諾威收購咗Zieler返嚟作二號龍門，佢嘅定位應該係同Bravo一樣嘅識用波嘅龍門。但係佢到現時為止都唔似能夠適應到英式較多長傳嘅踢法，導致有時會有啲失誤，例如出迎唔夠果斷等等。幸好小舒今年暫時都係中規中矩，無咩大傷或者大失誤。但係佢招牌長傳今年亦都因為中場能力不足嘅問題，即便傳到上去都做成唔到咩威脅。
後衛：
首先等我地睇吓狐狸嘅後防球員名單：
Danny Simpson (30, RB)，Robert Huth (32,CB)，Wes Morgan (32,CB)，Christian Fuchs (30,LB)，Marcin Wasilewski (36,C/RB)，Luis Hernández (27,R/CB)，Ben Chilwell (20,LB)
最大嘅問題就在於係年齡同深度，正選四位後衛平均年齡高達31歲，喺多線作戰底下好明顯出現疲態，尤其係Captain Morgan，作為狐狸罰球嘅唯二威脅，Huth同Morgan經常要全場跑動，體力明顯不足。但係偏偏只有兩位球員適合打中堅，就係炸彈Walsy同Her仔，Walsy同Simpson上年送比兵工廠嘅一張紅牌以及一個不必要嘅補時犯規大禮相信大部份狐狸迷都歷歷在目，Her仔除咗long throw之外亦都無甚突出嘅表現。只有左閘嘅Chilwell可以令大家期望同安心。右閘長期積弱，Simpson防守力不強，而且5"10身形唔算高大，經常被弱點對付，喺對曼聯嗰場都可見一斑。由上年開始講起買右閘嘅呼聲，仍然遙遙無期。
https://www.youtube.com/watch?v=R3iQvPVxPEs
中場：
其實狐狸嘅中場可以話係人滿為患，King Amartey Mendy Ndidi Drinkwater，甚或乎計埋Matty James，但係每一位都唔係特別有咩長處或者突出，除咗Drinkwater嘅killer pass長傳，根本每個中場都冇自己嘅定位。今日對住修咸頓呢場波更加顯出Drinkwater Mendy Ndidi默契不足嘅問題。雲爺爺一路obsessed with Kante嘅代替品，而偏偏令到狐狸囤積一堆中場，但係得物無所用。一堆防守中場而控球能力不足，就算成功做到逼搶亦每每三兩下就甩波，亦都成為狐狸其中一個弱點。
邊路：
狐狸嘅邊路可以話係唯一一個長處，雖然雲爺爺堅持唔用側擊。Mahrez今季雖然狀態因為被重點看守而持續低沉，但係佢始終係一位世界級嘅翼鋒，只可惜中場未能配合。上年佢每場有3.5次引球推進，1.8球key pass，17入球11助攻，今年去到而家每場只有2.2次推進，1.3球key pass，3入球2助攻。左翼原本有Schlupp呢位正宗左腳左翼可以配合Mahrez嘅右翼preference，可惜上季傷完之後被閒置，早前亦都加盟咗水晶宮。但係仍然有幾高速度嘅Albrighton，同埋新人Gray，呢位速度射術兼備嘅球員絕對可以為狐狸注入動力。而最大嘅問題就在於今夏嘅收購，Kapustka。呢一位翼鋒理應係一位波蘭嘅新星，但係雲爺爺遲遲唔肯派佢嘗試打一隊，如果連352都夠膽打，雲爺爺究竟點解唔肯出kapustka？https://www.youtube.com/watch?v=06OuE3WFmB8
前鋒：
首先講講Vardy，好多人話佢今季回咗塘，但係事實上，佢只係因為少咗機會。對曼城大演帽子戲法嗰場已經充分顯示出佢嘅射手觸覺，咁點解今年會少咗咁多產量。睇番上年Vardy嘅24個英超入球，大部分都係快攻情況吓1on1/2射入，今年好明顯因為對面隊嘅防線縮後咗而少咗反擊機會。另外，狐狸欠缺一位進攻中為佢穿針引線。Vardy係射手型中鋒，可以間中推一兩腳，但係唔擅長於用控球製造自己嘅空位。上年Okasaki可以勉強做到呢一個效果(我一直認為上年係4411多於442)，今年佢嘅拍檔係同樣需要人餵波嘅Slimani，變相機會大減。上年每場Vardy有3.2腳施射，1.1次推進及1.3個keypass，但係今年急降至1.3施射0.4推進0.7key oass，並非完全係佢問題。今年好多時見到Vardy需要喺禁區邊路自己攞波，即使攞到亦都欠缺支援。Vardy並唔係只有射術嘅前鋒，佢亦都可以用自己嘅觸覺同大局觀有一啲短傳造成助攻，但係前提係需要支援。
https://www.youtube.com/watch?v=7vY6CAeuqWo
Slimani，三千萬鎊嘅收購。雲爺爺的確收到佢想要嘅效果，一位頭槌了得嘅Target Man。但係都係同樣問題，欠缺一位進攻中場串連中場爭奪戰嘅成果同埋前鋒線嘅球員。而喺雲爺爺堅持不用出波嘅戰術之下，亦都變得得物無所用。
Musa係一個特別啲嘅例子。其實喺對巴塞嗰場到我哋睇得出呢位球員係有啲速度同埋遠射腳頭，可惜嚟到聯賽就唔可以發揮到全部實力。一嚟Vardy+Musa呢個空有速度嘅組合係一個災難式嘅存在，二嚟佢欠缺傳球嘅視野成為佢轉型做442左翼嘅阻力，喺好多場賽事入面都見到Musa速度爆贏對方，但係直接推出底線。但係而家亦都有一個新轉機，假如變咗433之後Musa可唔可以成功轉型成為較著重攻擊同射球嘅翼鋒呢？亦都幾令人期待，前提係狐狸要轉型成為側擊球隊。
Musa對巴塞：
https://www.youtube.com/watch?v=FLBkbFZRu6U
展望：
點解呢篇叫固執的雲爺爺？其實李城要翻身有幾個關鍵，例如收購右閘同進攻中場，以及打多啲側擊。但係偏偏雲爺爺唔知點解執着於防守反擊同埋Kante代替品，間接令到狐狸跌入如此窘境。呢一份固執亦都喺雪藏Kapustka，拒絕換人同改變陣式上面見到。雲爺爺最近先攞到年度最佳領隊，但係今年嘅表現係完全於水準之下。打咗22場比賽，冬季轉會窗亦都就嚟完結，狐狸食粥定係食元寶蠟燭就係睇雲爺爺嘅操作啦。
請按此登錄後留言。未成為會員? 立即註冊