【呢啲先叫霸氣】伊巴遇國王即搭膊頭!

Extra-time 於 21/03/2017 發表 收藏文章

伊巴謙莫域在球場內外向來都以霸氣見稱,十幾歲時已經謝絕阿仙奴試腳要求,之後去到邊,見咩人,都係以不失霸氣為主!

周日英超賽事曼城大戰利物浦,伊蒂哈德大球場吸引到兩位稀客,一個是同市宿敵曼聯的皇者伊巴謙莫域,另一位是正在訪英的西班牙國王卡洛斯。陛下微服出巡,擺駕光臨,睇好波兼捧吓子民大衛施華場。伊巴以前在巴塞時踢過西班牙國王盃,同國王都算有點緣份,今次異地相逢,當然唔放過覲見機會。

見到皇上,伊巴唔單止唔下跪,亦無行禮,走埋去竟然一手插袋,一手搭住卡洛斯國王膊頭,仲friend過見摩連奴。可能係微服出巡關係,或者懾於伊巴的霸氣,皇上身邊的錦衣衛見伊巴「插袋」、「搭膊」都沒有加以阻止。如果換轉英女皇,相信會有一班特工圍埋嚟。
咁都未止,影完合照後,伊巴好得戚咁貼圖分享,仲寫上「當一王認得另一王」,引來好多人回應表示拜服!

呂布自立為王,唔知算唔算謀朝篡位呢?
 伊巴跟瑞典國王和皇后一樣談笑風生
Ref:marca

我們都效力過曼聯和拜仁

留言


請按此登錄後留言。未成為會員? 立即註冊
    快捷鍵:←
    快捷鍵:→