費Sir出席最後一個賽前新聞發佈會　費Sir：人生中第一次訓足10個鐘 精選

英國時間5月17日早上8點，費Sir以領隊身份，出席佢既最後一個賽前新聞發佈會。
對於佢既最後一場，費sir表示：「1500場 - 係無與倫比既。西布朗一直都做得好好。每一隊波都想贏佢地既最後一場，同埋好明顯比起上個禮拜個場我更想贏呢場。」

費Sir又話：「今時今日d傳媒真係好難應付，有時候我唔係好接受到你地所寫既野，但係我成日都諗你地份工都唔易做。我從來都冇怨過你地，呢個唔係我既風格。多謝你地筆下留情，同埋多謝俾我係過往發佈會既美好時光。」

對於上星期既慶祝活動，費Sir話：「呢排我真係好激動。星期日真係難以置信，仲有星期一既巡遊...我以為冇野會及得上99年既慶祝，但係今次我見到既d人竟然爬埋上棚架去睇我地。我覺得今次已經勝過99年。個日之後係我人生中第1次訓左10個鐘！」
費Sir亦都提到退休生活：「我都冇諗過退休生活會係點。不過我將會即刻接受新既挑戰。星期一我同LMA (League Managers Association 聯賽領隊公會)有會議，星期二同星期三我要去馬場，6月4 號我會開始放假一個月（有咩含意？），我將會係暑假接受手術，然後球季開始，我應該會冇事！」

對於今場費Sir會作出人員調動，Jones 同 Evans將會正選搭檔，Rio同Vidic將會先做後備，Rafael停賽，右後衛會有另外安排。

官網連結: http://www.manutd.com/en/Fanzone/News-And-Blogs/2013/May/today-at-old-trafford-live-blog.aspx?pageNo=2

歡迎轉載 分享本頁既消息同圖片 禁止利用本頁資源進行任何商業行為 本人保留法律追究權利
歡迎瀏覽小弟既Facebook page : http://www.facebook.com/EverythingOfManchesterUnited