碧咸宣佈退役後首個專訪 碧咸:美斯扭過我後我唔想再踢波！ 精選

http://www.youtube.com/watch?v=aH76hBG3eyE
碧咸宣佈退役後，現為Skysports 評述員兼碧咸老友既加利仔，馬上飛左去巴黎同碧咸做左個訪問。
加利仔：「點解揀依家退役?」

碧咸：「當我聽到其他球員退役個陣都會俾人問到點解揀依家退役，佢地都會話當時機一到既時候就會知道，我覺得呢個時機已經到左。好明顯呢個係一個艱難既決定，因為我仍然覺得我仲好可係最高水平既比賽繼續踢落去，至少係過去既六個月我仍然做到。但係我成日都同自己講應該係自己狀態未滑落既時候退落黎。如果你八個月之前問我，我會係為一家法國球會踢波，仲以贏得聯賽冠軍為結束，我會覺得一定冇可能。不過我有機會黎到PSG(去完成呢一切)..我覺得係時候。」

加利仔：「你覺得定係你肯定已經到?」
碧咸：「我鍾意比賽，我地全部都鍾意比賽，我都唔知，不過我相信呢一刻係正確既時候。不過最煩既係我覺得我仲可能做得更多。」

加利仔：「你幾時有呢個(退役既)諗法?」

碧咸：「好可能係當美斯扭過我個陣(笑) 講笑..我真係唔知，我淨係覺得係我既生涯一直都好幸運，所有我曾經效力既球會、一齊踢波既隊友、所有我贏得既獎盃..上年係美職聯贏既冠軍，黎到PSG贏到法甲冠軍，我覺得係一個退落黎既好時機。」

加利仔：「你經常係球隊高峰既時候離開..係曼聯贏得冠軍..到皇馬贏聯賽..上年係銀河又贏到冠軍，過去幾週係PSG發生既事、贏得冠軍，係唔係咁令你想以冠軍既身份退落黎?」

碧咸：「我認為以冠軍既身份退落黎係每個運動員或者係足球員既夢想，因為贏冠軍唔係經常發生，我一直都好幸運，當我離開曼聯、皇馬、銀河、甚至PSG 既時候都贏得冠軍，咁係一件好美好既事 我相信因為咁所以我覺得係時候退落黎。」
加利仔：「經過22年黎你以足球員身份所贏得既一切，你想日後人地記得你d咩?」

碧咸：「我只希望人地記得我係一個勤力既足球員，對比賽好有熱誠，每一次上場都會付出我既所有。咁多年黎人地對我既評價多數都同足球無關,忽視左我係足球場上既付出同成就，如果你話我唔傷心就假既。因為由始至終我都係一個足球員，為好多頂級球隊效力過，同好多世界級球員做過隊友，更加曾經係世界上最偉大既領隊既指揮下踢波，而且幾乎達到所有足球上既成就，為我自己既國家出場115次，依家回想返，我為自己感到驕傲！」（完）

歡迎轉載 分享本頁既消息同圖片 禁止利用本頁資源進行任何商業行為 本人保留法律追究權利
歡迎瀏覽小弟既Facebook page : http://www.facebook.com/EverythingOfManchesterUnited