歐聯B組詳細分析

歐洲足球吹水台 於 31/08/2013 發表 收藏文章
講完A組, 緊係講下B組既球隊實力同預測

B組小組球隊名單如下:

皇家馬德里(西班牙)

祖雲達斯(意大利)

加拉塔沙雷(土耳其)

哥本哈根(丹麥)


皇家馬德里, 唔講大家都好熟識。係2004-2009年期間皇馬在歐聯賽事都未能成功打入八強...
但由摩連奴帶領下既皇馬由2011年到2013年既歐聯賽事都能夠打入四強但未能殺入決賽。
摩連奴既離開繼而安察洛堤接任成為新帥, 成功購入多個有質素的球員例如伊斯高, 卡華積, 伊利亞拉門迪及巴利...(應該快將成事), 但亦放走希古恩, 卡利祖, 艾比奧爾等當打球員。若果皇馬能成功購入巴利, 可以想像一下皇馬攻擊線將會變成點? 巴利-伊斯高-C朗 睇怕好多後防見到都會怕怕....

皇馬能否於今屆歐聯比賽發光發亮, 焦點落在名帥安察洛堤身上, 曾經帶領AC米蘭勇奪2002/03年及2006/07年歐聯冠軍既安察洛堤十分擅長打歐戰, 在執教AC米蘭及車路士出征歐洲比賽得勝率超過50%,而2011-2013年安察洛堤執教法甲新貴巴黎聖日耳門在歐洲賽事取得60%得勝率, 數據有時不能反映一切, 但上季歐聯八強巴黎對巴塞隆拿既表現令人眼前一亮, 兩回合都不負巴塞均打成2-2及1-1但因為巴塞隆拿作客入球比巴黎多一球所以安察洛堤未能成功打入四強。相信安察洛堤需要多一季時間去鞏固球隊實力, 下季在後防及鋒線上或需要再增兵。小組B組各隊實力不相伯仲, 要挑戰首名出線必需要雙殺哥本哈根及加拉塔沙雷, 提防大意輸波! 祖雲達斯及加拉塔沙雷並非等閒之輩, 兩隊球隊有能力影響B組的首名出線。但若果安察洛堤今季目標為西甲冠軍, 也許會半放棄歐聯賽事, 但起碼要帶領球隊出線小組賽, 或許16強或8強止步。

祖雲達斯實力相當穩固, 增兵方面購入兩大前鋒洛蘭迪及迪維斯及後防奧邦拿。上季回返歐聯舞台既祖雲達斯於小組賽中以次名出線淘汰勁敵車路士並殺入八強但最終不敵冠軍拜仁慕尼黑。在小組出線預測將會"坐次望首", 但係, 小組次名出線並非容易, 加拉塔沙雷有能力挑戰次名出線皆因其主場有"魔鬼主場"之稱, 祖雲達斯必須慎防作全失三分, 加上哥本哈根主場亦非容易得分,原因在於丹麥入冬較早, 隨時在其主場冰天雪地最行比賽, 其他3隊球隊亦要小心提防失分。


加拉塔沙雷於上個冬季轉會窗購入摩連奴昔日愛將杜奧巴及史奈達令球隊實力大大提升,上季歐戰賽事成績可算是意想不到的好!加拉塔沙雷以次名出線在16強擊敗史浩克04殺入8強。 雖然最終被皇馬淘汰, 但其魔鬼主場並不是浪得虛名, 第二回合皇馬作客加拉塔沙雷輸3-2 但因總分5-3 而8強止步。在對賽歷史方面,加拉塔沙雷與皇家馬德里及祖雲達斯分別各交手過5場及4場, 皇馬2勝3負而祖雲達斯1勝2和1負。可反映加拉塔沙雷實力並不差過其他兩支勁旅。


最後係來自丹麥既哥本哈根,球隊並不是歐聯初哥, 早在2011歐聯小組賽次名出線殺入16強但最後不敵車路士。但係哥本哈根沒有同小組其他三支球隊有對賽經驗, 所以其他三隊球隊作客哥本哈根會成為其中一個值得關注的地方。

B組最大看點為:

皇馬祖雲大對決! 皇馬誓要一雪6年前小組被祖雲達斯雙殺之恥!

次名出線爭奪戰, 是祖雲達斯或加拉塔沙雷或者皇家馬德里?

哥本哈根及加拉塔沙雷的主場優勢會如可影響小組出線局面?
球迷們記得9月17日英國時間19:45 坐定定睇實 加拉塔沙雷 VS 皇家馬德里 或者 哥本哈根 VS 祖雲達斯

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→