威廉上車之原因及分析

歐洲足球吹水台 於 26/08/2013 發表 收藏文章
因為安捷班主唔玩既關係, 安捷將會星散。兩星期前利物浦帶頭話想簽威廉, 到上星期熱刺搶先一步出價要收購威廉,然後威廉現身倫敦最後簽約車路士。威廉既轉會鬧劇終於告一段落!

早係2012既時候, 威廉曾經同車路士扯上關係,車路士出價大約£16.8M想收購佢。但係效力緊薩克達礦工既佢係12年冬季轉會最後一日既事侯轉會到安捷, 價格為€35M。安捷可算係一間突然冒起既豪門球隊, 安捷班主由2011年開始已經投資近2億美元。

但可惜安捷響2012-13 賽季成績未如理想, 俄超排名第3, 歐霸盃16強不敵紐卡素出局。神奇教練軒迪克早係七月既時候辭職, 而接替軒迪克既前曼聯助教雷内·梅奥伦斯滕 (Rene Meulensteen) 執教安捷僅僅16日之後就宣佈下課。

安捷班主克里莫夫(Suleyman Kerimov)眼見球隊成績未如理想已經打算抽身唔玩, 連安捷主席都響Twitter 透露班主想改變球隊既營運模式,球隊年度預算將會削減5000-7000萬美元, 身價不菲既球員例如伊度奧, 拉斯迪亞拉同威廉等大牌球員將會離開安捷。除左威廉之外, 伊度奧已經同多間球會扯上關係, 分別有國際米蘭,拿玻里同車路士等歐洲球會。

好多人會諗點解威廉會上車? 車路士中場人數已經飽和, 點解仲要買佢?

我認為, 摩連奴響熱刺手上劫走威廉係想削弱熱刺邊路既實力。熱刺要賣走巴利到皇馬將會成為事實, 保亞斯手上將會有90M 英鎊去購入中場代替巴利。無疑地,威廉係熱刺打邊路最佳人選, 但摩連奴搶走威廉後會導致熱刺係購入邊路球員時大亂陣腳。

威廉最擅長打左路, 但車路士有咁多中場球員應該如何去安排?
係車路士陣中可以打邊路既球員分別有馬達, 夏薩特, 摩西斯, 舒爾尼, 迪布尼
車路士今年將會三線/四線出擊( 分別有英超, 歐冠, 足總盃, 聯賽盃), 個人認為馬達同夏薩特將會係打英超正選既最好選擇。
而威廉可以被安排到歐冠, 足總盃及聯賽盃上陣, 摩西斯好大機會被外借, 西布朗或愛華頓係唔錯既選擇!
摩連奴不妨可以解放馬達同迪布尼成為自由人, 加強對前鋒上既支持, 所以威廉係左中場位置必定有一定既上陣機會。

威廉的數據如何?

威廉在2006年效力哥連泰斯, 2007以€14M轉會費年轉投烏克蘭班霸薩克達礦工(FC Shakhtar Donetsk), 2007-2013期間威廉為薩克達礦工在烏克蘭超級聯賽上陣140次, 44個助攻, 20個入球。並為薩克達礦工取得4個聯賽冠軍(07/08, 09/10, 10/11, 11/12), 歐霸杯冠軍 (2009年)。巴西國家隊上陣次數為2次 (2011年), 但我深信, 威廉加盟車路士後會有更多機會為巴西國家隊上陣!

上年車路士未能簽下當打球員侯克, 但威廉是繼拉美利斯, 大衛雷斯, 皮亞松, 奧斯卡, 華萊士後, 又一森巴兵。相信威廉在車路士能夠與巴西及其他球員相處融洽(如下圖)。

有人話...阿巴同安捷班主夠朋友,所以搶到威廉
我就話, 佢想同雷斯整隊爆炸頭足球隊....
其實... 佢想同Hazard拍檔成為Wizard (Willian+Hazard=Wizard)

如果喜歡我們的文章,請即分享到︰

標籤: 威廉  車路士  英超  轉會  安捷  薩克達  熱刺  

留言


請按此登錄後留言。未成為會員? 立即註冊
    快捷鍵:←
    快捷鍵:→