【英超Fantasy】世界盃前最後一輪——腳風極順阿米朗,鬥車仔都繼續入波?

英超路人乙 於 07/11/2022 發表 收藏文章
自從上季季尾被基亞利殊點名揶揄,以其表現暗諷隊友馬列斯後後,紐卡素翼鋒阿米朗今季脫胎換骨,連續四場英超取得入球,近七場攻入七球,愈戰愈勇,協助紐卡素暫時升上聯賽第三。


阿米朗入球停不了,亦令當初講過「踢到成個阿米朗」的基亞利殊,猶如身中迴力鏢,每當阿米朗取得入球,都好似被大巴大巴摑落塊面。

唔知有玩英超Fantasy的朋友,陣中有冇阿米朗呢位球員,如果有的話,最近分數應該進帳不少。

見到阿米朗頻頻入球,價值5.8M相當抵買,而且入球助攻分數仲以中場球員計算,正常應該早就要入貨。

不過,多少有點「唔信邪」,覺得一買佢就唔識入波,結果上周賽事舉行前,中場線要換人都係冇買佢,揀左主場迎戰富咸的Bernando Silva,最後零入球兼攞埋黃牌得1分,相反阿米朗就繼續入波,輕取8分。



緊接而來的第16周賽事,同時亦係世界盃舉行前最後一輪比賽,紐卡素將會主場鬥車路士,唔知大家又覺得入球停不了的阿米朗,係咪又會延續強勢再建奇功呢?

如果喜歡我們的文章,請即分享到︰

標籤: 英超  紐卡素  

留言


請按此登錄後留言。未成為會員? 立即註冊
    快捷鍵:←
    快捷鍵:→