誰是今季英超最佳領隊? 精選

英超今季已經去到尾聲
開始又要諗下今季既獎項花落誰家
其中,個人獎項方面,你地又覺得邊個係今季最佳領隊呢

羅渣士 (利物浦)
可能幫助利物浦奪得24年來第一個英格蘭頂級聯賽,以及第一座英超冠軍
佢今季幫紅軍大放異采,433既快速進攻陣式
幾位年青球員,包括法拿根及佐敦軒達臣都大有進步
可以話大熱門

柏歷堅尼 (曼城)
今季新上任,亦帶來進攻足球,增強球隊士氣
先攞聯賽盃,歐聯有突破
但聯賽表現有時不穩,現已失左奪聯賽冠軍既主動權

摩連奴 (車路士)
今季重返車路士,係聯賽進迫利物浦稍後與羅渣士既師徒對決,可能決定誰是英超冠軍
以及誰是英超最佳領隊

馬天尼斯 (愛華頓)
限米煮限飯,但比前任莫耶斯煮得更好
雖然失左爭前四既主動權,但係佢帶領愛華頓破左球隊最高英超得分紀錄今季佢帶領既拖肥糖值得欣賞

普捷天奴 (修咸頓)
上季既護級分子,今季佢帶領球隊更上一層樓
季初失球極少,陣中既一眾英格蘭國腳亦表現甚佳

布魯士 (候城)
今季以為係降班膽,最後穩坐中游
亦打入足總盃決賽!

普利斯 (水晶宮)
中途加盟時,水晶宮打11場得4分
依家已經去到40分,幾乎護級成功
佢成功扭轉水晶宮既降班膽劣勢,值得一讚!