英超第廿八周後 最新有趣數據一覽 精選

英超已經打到28周
爭標同護級都去到最後直路
不如一齊睇下一D有趣數據?!

蘇亞雷斯破入球荒,利物浦破英超入球記錄
蘇亞雷斯終於入波喇!
經過六小時52分鐘,佢係周六對修咸頓入波
以24入球繼續位於射手榜第一位,而助攻王亦暫時係佢第一!
利物浦亦以73球破左英超28場後最多入球記錄!
但係曼城打少兩場都已經有69個入球,記錄可能好快被打破!

車仔球員 戴帽專家
舒爾荷尼連中三元,令車路士繼續鞏固榜首位置
今季有六位球員連中三元
車路士就有其中三位(舒爾荷尼、伊度圖、夏薩特)
另外佢亦係第三位連中三元既德國球員(之前係波碧同奇連士文)

蘇爾達度終破入球荒
呢位西班牙射手高價加盟,表現不盡人意
今周對卡迪夫城既入球,係佢12月來既第一個入球
亦係10月後既第一個非十二碼入球!

曉士為兵工廠殺手!
史篤城周末主場小勝阿仙奴,打擊對手既爭標夢唔講唔知,今場係曉士第5場對阿仙奴取勝
除退左休既費SIR外,冇人夠佢多
之前用布力般、曼城、昆士柏流浪都贏阿仙奴
其實曉士可能仲勁D