修咸頓大躍進 ! 精選

今周英超又開波喇!
阿仙奴主場對修咸頓
估唔到係一場聯賽前列大戰
修咸頓係今季暫時壓過車路士曼聯曼城等強隊排第三
失波亦係最少,究竟暫時既成功源自什麼?

團結
聖人既一眾球員都夠年輕
亦未十分成名,英藉球員又多,又有一眾球員來自自家青訓體系
球隊今季踢來亦好整體同團結!

強化後防
今季聖人既最佳收購可謂中堅洛夫雲
佢穩住聖人既後防,再加上另一收購防守中場既雲耶馬
同埋年青但逐漸成熟既兩閘路克梳亞同尼敦佳列
今季佢地竟然暫時失球係聯賽最少既5球
日本國腳吉田麻也就此連後備都冇!

普捷天奴
呢位阿根庭新帥係上季中接任比人懷疑
但係佢慢慢證明自己
將前任領隊艾堅斯既性感足球只攻不守
變為針對性部署,對強隊主守,對同級球隊就焗上前
唔知聽日對阿仙奴會點打呢?

年青雙閘
路克梳亞呢位左閘被認為係聖人最新既青訓代表
而右閘既尼敦佳列亦冒起
兩位九十後,都係英格蘭藉,認真難得,仲有排打!

攻擊球員都唔睇得少!
講左咁耐後防,但係佢地既攻擊球員都好平均中前場有隊長既拉蘭拿,另一青訓球員U21既華特包斯
前鋒有另一新晉國腳積洛迪古斯,老將列基林拔
仲有新加入既意大利國腳奧斯華度,果真人材輩出
連鳥拉圭既新星加斯頓拉美利斯都冇正選踢!