英超亞洲球員今季遭遇一覽！ 精選

英超不經不覺打左七輪
一眾亞洲球員（包埋澳洲）既境況都開始明朗化
不如一齊黎個檢閱！

日本
對日本隊黎講，佢地球員今季係英超認真不順！
首推皇牌中場香川真司，佢係莫耶斯上任後
完全打唔到正選，後備出場亦難
咁樣雪法，高質既佢只會越雪越硬
已經傳莫耶斯會係一月將佢送番多蒙特
而修咸頓既後衛吉田麻也，上季係後防既常規主力
今季球隊買左洛夫雲後，後防表現大躍進，七場只失兩球
吉田麻也依家係連後備都冇而佢仲有一位日本隊友李忠成，佢事實上比香川同吉田更早黎到英倫
但係上季升班後就被借回FC東京，如果唔係今季聯賽盃有得打
都唔知佢番左黎
呢位係上屆亞洲盃決賽入靚窩利成名既球員，依家已經入選唔到國家隊

相對上，宮市亮今季有進步，起碼冇被阿仙奴借走有得打後備，亦偶爾上陣
睇下佢會否因此打入國家隊

韓國
金甫炅以新朴智星之名，同卡迪夫城一齊升班
暫時係球隊既必然正選，而且打得唔錯
對曼城更加係代表作！

而中場寄成庸上季係史雲斯亦打得唔錯
但今季被米高勞特立借去新特蘭
需要同球隊一齊係榜尾掙扎，但起碼確保正選
佢亦同國家隊隊友池東沅重逢
池東沅上季被借去德甲奧格斯堡有好表現
今季番到黎就繼續苦苦掙扎，有得打時表現一般
依家只係盡可能後備上場

至於阿仙奴既朴主永，境況亦都好慘
上季借左去西甲切爾達表現一般
今季番黎繼續冇得踢，就連聯賽盃都後備
國家隊亦冇佢份！

澳洲
積甸拿克係水晶宮既中場主力，幫助球隊防守，暫時佢既表現唔錯耐何水晶宮始終實力有限

而老將舒華沙已經去到車路士做後備
準備退休生活
但係戰過五百場英超既佢，係黎緊既世界盃應該會打正選！