摩連奴AVB師徒大對決　還有羅渣士奇勒 精選

今周末既英超爆發倫敦打比,由熱刺對車路士
亦係摩連奴首次對陣舊部韋拿斯保亞斯(AVB)
賽前已經率先爆發口水戰,AVB話摩帥棄用馬達錯誤
摩帥就話同AVB已經決裂

事實上摩連奴一眾車路士舊部係英超都獨當一面
連同摩連奴執教共四隊英超球隊
不如一齊睇下摩連奴同一眾英超舊部既關係

AVB
AVB係波圖,車路士同國際米蘭都跟隨摩連奴做助手及球探
正當人們以師徒關係稱呼呢兩位葡萄牙名帥
事實上AVB拒絕活係摩連奴既陰影之下,而摩連奴亦唔想將AVB升為助教
所以AVB係國米年代離開摩帥,開始佢既執教生涯
之後既成功,亦難免外界將佢同摩連奴比較
今周末會係佢挑戰摩連奴既最大機會!

羅渣士
羅渣士係摩連奴既第一個車仔年代係青年軍及預備組教頭
但係,佢唔係摩連奴搵番黎車路士工作
不過佢話係摩連奴任內學到好多野,佢之後亦同摩連奴保持良好關係
依家去到利物浦,摩連奴都借左摩西斯比佢

奇勒
奇勒係摩連奴黎車路士既時候升為助教,以車仔舊將既身份幫摩連奴
直至摩帥走後,奇勒都繼續留守,及後去韋斯咸幫舊隊友蘇拿
但係蘇拿又被炒,佢輾轉去左利物浦做助教幫杜格利殊
佢同利物浦最後不歡而散,原來係羅渣士既來投
佢聲稱係羅渣士炒佢,而只係用電話通知
但係奇勒係羅渣士半個恩師,因為佢搵羅渣士番車路士
所以奇勒同羅渣士反而關係決裂,依家去左西布朗第一度擔正,上季成績唔差