狂牛前鋒　英超正面交鋒！ 精選

熱刺剛宣佈華倫西亞前鋒蘇達度通過體測後將加盟
今夏佢會係第三位加盟英超球隊既西班牙前鋒
加埋打滾英超一段時間既費蘭度托里斯
呢班狂牛前鋒將會係世界盃前既球季,係英超力爭表現打國家隊!
一齊睇下呢班前鋒既簡介

尼格度,28歲,曼城9號
尼格度係西甲上季第4號神射手,亦即係本土球員頭號射手(前三位係美斯,C朗,法卡奧)
佢號稱馬德里野獸,因為佢出道自馬德里地區既華歷簡奴,之後去過皇馬B隊
同蘇達度一樣打唔上,之後去艾美利亞,再去西維爾先展露實力
佢入選過2012年歐國盃冠軍既西班牙大軍,但洲際國家盃冇入選
http://www.youtube.com/watch?v=725xdORNTyE
蘇達度,28歲,熱刺?號
蘇達度係西甲上季既第5號神射手,出道自皇家馬德里但係打唔上
去到基達菲開始上力,之後轉投華倫西亞表現更上一層樓
並開始成為國家隊常規球員,包括有份打今屆洲際國家盃
熱刺今夏就以破球會紀錄轉會費買左佢http://www.youtube.com/watch?v=xpOKAjyv9b8
艾斯柏斯,26歲,利物浦9號
艾斯柏斯知名度相對低,出道自切爾達,未有轉會
上季先第一季打西甲,佢係前季既西乙神射手
第一季西甲入到12球,兼幫助球隊成功護級
吸引到利物浦買佢,季前熱身賽入3球有4助攻
睇下佢黎緊既表現有冇機會令佢被選入國家隊!
http://www.youtube.com/watch?v=XuLktUtoCxE
英超師兄,費蘭度托里斯,30歲,車路士9號王子當然係西班牙第一前鋒之選,但係近年轉會車路士後
地位一直被挑戰,現時幾位西甲同鄉來投英超勢必引起競爭
上季聯賽入8球既佢睇下點樣應乎!
http://www.youtube.com/watch?v=uRWEE56tzqk
英超新貴,米祖,27歲,史雲斯9號
唔係好出名既米祖,上季由華歷簡奴轉投史雲斯一鳴驚人
第一季就係英超入左18球,成為神射手榜第5位
前一季佢係西甲入15球,同上季打韋根既干尼排該屆射手榜第9
似乎,西甲來投既射手真係有保證喎!http://www.youtube.com/watch?v=3ipMwpXbEiY
險簽英超,大衛韋拿,32歲,馬德里體育會9號
可惜,傳左好耐會轉投英超阿仙奴或熱刺既大衛韋拿
最後去左馬體會,如果唔係,英超會再多一位狂牛前鋒!