你想注意既英超球隊季前熱身賽！ 精選

七月黎喇
亦即係話英超球隊即將復操同準備季前熱身
呢度不如睇下邊場熱身賽可以關注下

曼聯對澳職明星隊 (7月20日)
莫耶斯領軍曼聯既第一場波
其實係對泰國明星隊
但係第一個考驗既係第二場對澳職明星隊
對方既名單球迷仲選緊,但係可能會有艾馬頓,希斯基,迪比亞路等球星
都幾可觀!
當然,大家都一定會留意曼聯既訪港之旅啦!

利物浦對些路迪 (8月10日)
兩隊英倫老牌球隊都好耐未對過喇
屆時,利物浦熱身已經差不多
可以利用些路迪來測試一下新一季既戰力
當然,到時睇下蘇亞雷斯仲係唔係隊中?!

英超挑戰賽2013 (7月24及27日)
對香港球迷黎講當然係盛事三隊英超球隊來港,其中兩隊更加係英超5強
值得所有英超迷留意!

曼城對AC米蘭 (7月31日)
曼城將會參加拜仁慕尼黑主辦既奧迪盃
係四強對AC米蘭,巴神將會倒戈!
另外既參賽球隊係拜仁同巴西聖保羅
車路士對國際米蘭 (8月2日), 愛華頓對祖雲達斯 (8月1日)
熱身賽亦有領隊倒戈
摩連奴將領車仔到美國參加大型既熱身賽
叫INTERNATIONAL CHAMPIONS CUP
其中車路士係8強就會對國米,倒戈舊球會
場波係美國東岸打,仲有AC米蘭同華倫西亞而西岸有愛華頓挑戰祖雲達斯
將會首度考驗新帥馬天尼斯同愛華頓既戰力
西岸仲有洛杉磯銀河同皇家馬德里!

阿仙奴對拿波里 (8月3日)
上年阿仙奴一直舉辦開既酋長盃因為倫敦奧運而停左一年
今年就有拿波里,加拉塔沙雷同波圖參賽,戲碼都幾強
阿仙奴第一場就會對由賓尼迪斯領軍既拿波里

阿仙奴對曼城 (8月10日)
上年都有既熱身賽戲碼係北京舉行今年好奇怪又再舉行,係芬蘭首都赫爾辛基
原來係啤酒公司贊助
亦係英超挑戰賽以外,難得既英超球隊係熱身賽對賽

熱刺對摩納哥 (8月3日)
相中既熱刺領隊AVB係摩納哥睇賽車
現實中,AVB會帶領熱剌番主場友賽法甲升班馬摩納哥但係摩納哥依家係一支億萬升班大軍
擁有法卡奧等好手,應該都幾可觀!