英超新丁卡迪夫城五件事 精選

英冠既卡迪夫城係尋晚主場打和查爾頓後
拜第三名既屈福特失分，確認成功升上英超
51年後重返最高級別聯賽，兼且會係第46隊英超球隊
或者卡城球迷等左好耐，賽後球迷例牌衝晒落球場一齊慶祝
http://www.youtube.com/watch?v=VJ73aC5DQO0
就住呢個機會，不如認識下呢隊英超新丁!

三度打附加賽失敗
卡城對英超既等待的確好耐因為佢地前三季都進入英冠附加賽爭升班
但係都失敗而回，輸比黑池、雷丁同上季既韋斯咸
今季佢地就唔使靠附加賽，直接可以升班，兼且好大機會攞英冠冠軍！
事實上，佢地係英冠有一定實力，而去季更加係聯賽盃亞軍！

威爾斯打比：卡迪夫城及史雲斯
卡城升班後，英超又多一場打比戰
卡迪夫城同史雲斯都位處南威爾斯
又係一齊加入英格蘭聯賽體系，大家當然成為世仇！
令卡城球迷更牙癢既，當然係佢地一直壓住史雲斯
但係史雲斯先過佢地升上英超，但卡城連續三年都失敗
而卡城係1927年成為第一隊威爾斯隊贏英格蘭盃賽(足總盃)
但今年史雲斯都贏到盃(聯賽盃)
呢場打比，值得大家留意！

威爾斯球隊，得一威爾斯球員
對比依家既史雲斯都起碼有艾殊利威廉斯及賓戴維斯等
卡城既一隊只得一位威爾斯球員
但係佢係大名鼎鼎既比拿美，亦係卡城隊長
今季由利物浦加盟後上陣31場入4球
而上一位較出名既卡城威爾斯球員，應該就係死神艾朗藍斯喇！
藍斯係08年已經轉投左阿仙奴

華人班主！
英超終於又有一位華人班主，佢係馬來西亞人陳志遠(VINCENT TAN)
係馬來西亞大財團既主席，佢係10年買起卡迪夫城球會
而上年暑假佢決定將卡城既球衣由傳統藍色轉為紅色引起球迷評擊
點知呢一轉，令球隊今季即轉運升班
佢係球賽後仲牙察話RED IS LUCKY
佢又話會比二千五百萬鎊球隊擴軍
但係佢同胞，同係馬來西亞富商費南迪斯既QPR真係前車可鑑呀！
總之，馬來西亞係英超既影響力將會繼續！

又一韓國球員打英超
佢係金甫炅，之前係另一專區都有介紹
http://s.fanpiece.hk/koreafighting/c1060382.html
佢今屆打25場入2球，包括正選打呢場確認升班戰
佢被朴智星認為係接班人，但係佢覺得自己踢法更似偶像大衛施華
睇下佢既英超發揮會如何
同埋係威爾斯打比，佢亦會對住韓國同胞寄成庸！