曼城負修咸頓　曼城賽後檢討！ 精選

曼城係英超蛇年既第一場波
就爆冷作客輸比修咸頓曼仙尼賽後就爆轟一眾球員
又話今季奪標希望已完
而修咸頓既護級前途似乎繼續明朗
不如一齊檢討一下曼城係場波既發現

曼城需要迪維斯
迪維斯今場據報因為家事冇隨隊
但係堂堂一隊衛冕球隊,前鋒只係得番兩位(迪斯高同阿古路)
係賣左巴神後,前線真係唔夠人使
而且迪維斯既拼勁同鬥心，都可以為曼城係前線注入新元素

祖赫特返回地球
係英格蘭對巴西既比賽，祖赫特表現唔錯
兼且救左一球十二碼
令英格蘭又再吹捧呢位門神，甚至係有佢有世界盃等
點知一番到黎英超，即係甩手造就對方入球
英格蘭球員既期望表現往往就係咁
如果祖赫特係未來再犯錯，曼城衛冕就會被判死刑

應否繼續用巴利?
巴利尋日既表現可以話係災難
失第一球佢係中場甩波
失第三球佢更加係無人看管下
竟然係自己禁區右腳燙左球波入自己龍門!
佢同耶耶托尼拍住打曼城既防守中場
但係尋日見到佢係中場同後防既表現，都覺得佢走緊下波
如果搵個曼城球員替佢個位，又可以搵邊個呢？