哥迪奧拿為何捨英超揀德甲?! 精選

呢單轉會,可能好睇過一眾球員
哥迪奧拿,呢位前巴塞隆拿既功勳教頭係上季尾離開巴塞話要休息一年,但係皇帝女係唔憂嫁
而佢最後係各英超豪門都想簽佢既情況下
揀左德甲班霸拜仁慕尼黑,下季開始接替現教練既希歷基斯
點解佢最後有咁既選擇呢?不如一齊分析下

曼聯
曼聯會搵哥帥,係幫費SIR搵接班人
費SIR始終都年事已高,會係呢幾年內退休
而曼聯既工作環境亦夠穩定,費SIR都教左廿幾年啦
但係費SIR會唔會下年就退休比哥帥接班呢,又好難講
或者費SIR屬意既接班人,係摩連奴而唔係哥帥

曼城
曼城依家既領隊文仙尼係今季既表現
令人覺得佢應該做唔長
曼城可以用銀彈攻勢,引誘哥帥來投
但係哥帥會覺得呢份工唔夠穩陣,始終佢都難以保證佢帶隊後
曼城既戰績會否更上一步

阿仙奴
廠迷最想既領導層夢幻組合
應該係將雲加升上神台,比哥帥教波
但係雲加就算8年無冠,都動唔到佢一條髮根
雖然兵工廠既踢球理念同哥帥既巴塞都好似
但係巴塞都叫有簽入大牌球星補給
呢樣野阿仙奴應該滿足唔到哥帥

車路士
同曼城既情況好似,但係呢度有一位更難服侍既班主
油王阿巴莫域治既炒人名單可能令哥帥怕怕
就算比佢幾多錢人工,幾多錢買人,哥帥都唔肯黎!

德甲拜仁慕尼黑
拜仁同巴塞其實有多分相似佢地都係本地聯賽既班霸,比起英超相對冇咁大競爭力
可以多些專注歐聯賽事
而且有一定既財力,可以幫助佢買人增添實力同吸引既人工
有錢,又工作穩定,哥帥最後揀左拜仁

不過,相信總有一日,佢會去英超一展身手既!