英超第廿二輪，你想注意的五件事？！ 精選

大家餓英超波係咪好耐呢？
過左兩個星期，終於又黎開始英超第廿二輪！
一齊睇下你想注意既五件事！

1. 雙紅會之韋比執法
   
   按此觀看圖片
   
   今輪既焦點,當然係星期日既雙紅會
   曼聯主場對利物浦
   執法既球證韋比,利迷一聽到就反對
   因為韋比一向被認為係曼聯球證聯盟一員
   而對上一次執法雙紅大戰,兩年前,韋比先係第一分鐘判十二碼比紅魔
   再趕謝拉特出場,利迷唔怕唔公平就假
   而上輪利物浦主場打得好之下,亦有舒爾菲被趕出場
   今場又會唔會有紅牌呢?

2. 兵工廠鬥藍月亮:吉位會有幾多個
   按此觀看圖片
   
   星期日另一場又係大波,第二名既曼城對爭前四既阿仙奴
   但係賽前焦點竟然係曼城球迷嫌酋長球場飛貴,一齊罷睇退波飛
   62鎊既作客波飛,你又覺得貴唔貴呢?

3. 領隊倒戈戰舊部:哈利列納及曉頓
   按此觀看圖片
   
   今輪有哈利列納同曉頓既QPR同諾域治
   主場擺陣對熱刺同紐卡素
   兩位領隊係舊球會都算有功績但最後不歡而散
   今場對舊球會會否報個大仇呢?

4. 最懸殊的對戰記錄:愛華頓對史雲斯
   按此觀看圖片
   
   近排史雲斯真係非常強勢
   但係今周佢地遇到最難應付既敵人,就係愛華頓
   史雲斯今季對住強隊都有好表現,主場又勁
   但係佢地歷史上16次對愛華頓,一次都未贏過
   包括今季首循環主場,咁強既主場,都以0比3大敗比對方!
   唔通真係格食格?!

5. 護級大戰:維拉對修咸頓
   
   按此觀看圖片
   
   數英超最頹既球隊,一定係維拉
   英超已數場不勝而且失球數字超標
   聯賽盃四強又輸比乙組仔巴拉福特
   今場主場對修咸頓,一隊排16,一隊排17,名乎其實係護級大戰
   上回合修咸頓主場4:1大勝維拉,真係好危!