英超半季大檢討！(上集) 精選

今個周六英格蘭足總盃就開波
英超經過一輪聖誕新年快車,終於停一停
不如趁呢個時候,檢討下半季既球員同球隊表現啦!

阿仙奴
最佳球員:辛迪卡蘇拿(最佳收購兼隊中射手)
需要進步:謝雲奴(又係攻勢終結者)
簡評:繼續係過山車,但係比起上幾年,咁唔穩定既表現,爭前四既難道更大!

維拉
最佳球員:賓迪基(前線靠晒佢)
需要進步:戴倫賓特(前線無佢份踢)
簡評:以為換左領隊有新景象,但係青春班既表現更加慘不忍睹,快車期既連失15球更加令球隊捲入降班旋渦

車路士
最佳球員:馬達(中場發電機)需要進步:夏沙特(無左影...)
簡評:季初去到季中的確有好多既轉變,包括領隊,前線係1月補給後應有作為

愛華頓
最佳球員:拜恩斯(進可攻退可守,大勇大熟)
需要進步:侯活(時有失準)
簡評:繼續黑馬兼係進攻上更亮麗,可繼續亂大局
富咸
最佳球員:貝碧托夫(繼續展現卡士!)
需要進步:舒華沙(同侯活一樣)
簡評:今季冇左主力球員,表現有跌WATT亦正常,好在還有貝碧托夫!

利物浦
最佳球員:蘇亞雷斯(神射手前列)
需要進步:波連尼(未入波,亦傷左)
簡評:羅渣士似乎開始慢慢搵到球隊既踢法,但上半季黎睇,海鮮味仍濃!

曼城
最佳球員:薩巴列達(有隊長風範)
需要進步:巴路迪利(搞事居多,不如專心踢波)簡評:表現不算太差,但對手更好

曼聯
最佳球員:雲佩斯(相信唔使多講,甚至係全聯賽半季最佳)
需要進步:蘭尼(苦無機會,有機會亦表現差)
簡評:上半季多場經典賽事,大踢進攻足球,霸氣非常!
紐卡素
最佳球員:丹巴巴亞(擔起入球重任,可惜已轉會)
需要進步:柏比斯施斯(與丹巴巴亞相反,無晒影)
簡評:傷兵滿營好致命,上半季表現算失望

諾域治
最佳球員:巴斯桑(穩住後防亦貢獻入波)
需要進步:格蘭荷治(隊長前鋒,但今屆入球甚少)
簡評:開季甚有降班味,但之後又有不敗及上半場不失球記錄,最近又係快車四場輸晒!