轉會市場又開了　你想見到的轉會？！ 精選

新年快樂
踏足2013年既1月，當然又係轉會市場重開既時候
大家想見到邊單轉會呢？！

曼聯既蘭尼，係球會近黎都冇晒影，阿仙奴想買佢，但係費SIR又會唔會賣番個人情比雲加呢？
新傳意大利既祖雲達斯都有興趣

新晉龍門畢蘭特，效力既球會英冠伯明翰超級等錢使，傳曼城都想買佢接祖赫特班，咁快？！
壞孩子巴路迪利，連契爺文仙尼都對佢忍無可忍，唯有賣佢比AC米蘭

西班牙中鋒洛蘭迪，一眾英超球隊好似阿仙奴同熱剌都想要佢，但係歐洲豪門們都對佢虎視眈眈

巴西既中場韋利安，係烏克蘭踢緊，但係中場巴西化既車路士已經吼中佢，森巴中場線都幾有睇頭！

西班牙又一新星伊斯高，係咪英超真係咁EASY GO呢?! 曼城阿仙奴等都想斟佢

韋費特薩夏，又一英冠新星，曼聯費SIR想斟佢番黎再培訓！雲加未必夠搶喎

丹巴巴亞！唔使多講！以英超今季上季既入球記錄，再加上佢份約既離隊條款，已經引緊好多球隊，現時最新消息已指車路士同佢傾緊

史度歷治，只可以講，利物浦應該會準備帶佢離開車路士，完。

西甲射手法卡奧，車路士會唔會真係搵佢交換費托呢？

大勇既禾確特，未必轉會，但係肯定續約未完會令佢同一眾其他英超球會扯上關係

爆炸頭費蘭尼，又一比利時球星，今季真係大勇大熟，愛華頓真係未必留得住佢

你仲諗起邊個會轉會既球員呢？