英超超級星期天分析及預測 精選

早晨！第五輪既英超焦點
當然係今晚既四強大混戰
分別係被稱實力最懸殊既雙紅會,第17利物浦對第2曼聯
以及衛冕曼城對衛星球會阿仙奴
筆者就係度分析下呢兩場賽事,順便估下賽果啦,不喜勿插！

利物浦VS曼聯
呢場既火藥除左係艾夫拿同蘇亞雷斯既歧視事件外
當然另一樣加添火藥既係利物浦係公佈希斯堡路慘劇真相既第一場主場比賽
因為之前曼聯球迷係主場高唱有關呢件事既反利歌曲
所以連費SIR都罕有地寫公開信叫曼聯球迷尊重利物浦!

如果淨係講番場波,利物浦雖然係主場出戰
但係近態真係一般
季初主場分別已經對曼城(和)同阿仙奴(負)
如果今場可以打番對曼城既水準應可以一戰
但係面對有雲佩斯同香川真司都已迅速融入球隊既曼聯利記率先要改善既一定係防守,暫時仍未有賽事保持清白之身
至於曼聯,其實今屆佢地既防守都次乎一般,尤其係守高波
只係前線既攻力掩蓋左呢個問題,例如對修咸頓個場
不如撐呢兩隊不分勝負,利記打番場爭氣波,打和

兩隊有趣數據
利物浦:暫時係英超射最多波(75球),但只命中15球
曼聯:韋碧克暫時總共射左10球波,冇1球中龍門

曼城VS阿仙奴
曼城同阿仙奴上屆係聯賽對壘,主場各勝1:0
惹火人物拿斯尼係周中既歐聯傷左,今場冇得出
而曼城係季初既表現只係一般,尤其係防守方面
今季聯賽已經失左6球,相反阿仙奴既防守係保持做左副領隊後大擢進
而且球隊走左雲隊長後,似乎整體左好多
曼城今場絕對唔易應付！
不過,曼城實力始終平均,而且最可靠既應該係佢地既主場
聯賽近31場主場未輸過,只係和過2場,其餘贏晒
會唔會又係一場和局呢?!

有趣數據：今場執法既球證係甸恩,阿仙奴係佢執法下
14場只贏過1場！