有買趁手！10個出名自由身球員介紹 精選

轉會市場已經關閉左喇
但係自由身既球員仲可以簽
不如睇下英超球會可以搵邊10個自由身球員?!

第九第十：杜奧巴安歷卡
點解係佢地？！
因為一直盛傳佢地既球會上海申花既主席
網遊大亨朱駿同股東不和,可能冇糧出比佢地兩位
以佢地兩位既CV,大把球會爭住要!

第八：希斯基
係喎，原來希斯基重未搵到球會
佢既速度可能連英超都應付唔到
但係佢既高度可能係利物浦所懷念

第七：夏格維斯
夏格維斯上季拍晒做GYM既片
最後比佢強勢加盟曼城不過曼城都知佢乜野料子,今年佢就冇咁好彩了

第六：高特立
仲記得佢嗎？丹麥既中堅，已經33歲
佢係2005年比愛華頓買左，只係打左一場
應該係莫耶斯最失敗收購，依家比費倫天拿放棄左
第五：戴奧
佢係02世界盃塞內加爾既成名一員
不過去到利物浦又係死路一條
依家更加比史篤城放棄左

第三第四：格羅素森保達
熟悉既意大利06世界盃冠軍級球員
原來係今個夏天都已經唔入流
不過史雲斯應該好開心
因為偉大既左後衛應該可以幫手替補重傷既尼爾泰萊

第二：歌頓
唯一一個門將堅尼用左九百萬鎊買佢番新特蘭
最後係愈踢愈傷
曾經係大英最有前途既一個門將
今季都要冇班落!

第一：奧雲
唔使多介紹，睇下今個夏天咁多球會搵佢就知不過一直都未有著落
到今日利物浦想搵番佢番去救駕
應該係最奇蹟！