車路士四大皆空的原因?! 精選

車路士係尋晚歐聯主場負馬德里體育會出局
聯賽現時仍落後榜首兩分摩連奴今季回歸車路士後的確打左幾場經典勝仗
但係有幾個因素令球隊未能更進一步

前鋒不濟
相信今季好多人都認同,車仔今季既弱項係前鋒大名既前鋒有費蘭度托里斯,以及伊度奧,同埋丹巴巴亞
但係以上前鋒未人予人可靠既感覺
費托善打歐戰但聯賽表現一般,伊度奧聯賽多次建奇功但始終年事已高
丹巴巴亞亦只係偶爾出眾,而另一前鋒舒爾荷尼,基本上被安排打防守反擊既翼鋒

表現參差
摩連奴今季首次於主場聯賽輸波
歐聯八強作客巴黎亦因球隊犯錯輸波
差點就出局
但係對曼城及利物浦又可以防線滴水不漏
今季表現參差可以話係失冠既致命傷

作客不濟
今季車仔作客弱隊,例如水晶宮,史篤城及維拉等
皆輸波
防守強既車仔,作客去到積極防守既弱旅,往往顯得老鼠拉龜!

摩連奴?!
可能受制於陣容所限,摩連奴今季數次既大戰都以大巴陣應戰但係大巴亦會有爆軑既時候
對馬體會就遇著更善於擺大巴陣,而且仲有高質前鋒迪亞高哥斯達
加上球員犯錯,如意算盤未必次次打得響
或許摩連奴應該要有其他更進取既戰陣應付
今次係摩連奴第三次帶領車路士進軍歐聯決賽失敗
亦係連續第四屆(之前三屆帶皇家馬德里)四強止步
西班牙媒體甚至串佢係四強專家

相信,摩連奴用今季已睇清球隊既弱點
今夏來個換血,收回有用借將(會否是門將古圖斯?!)
而且,今個冬季先加盟既重要球員,如尼曼查馬迪,可以回歸所有戰線
下季車仔必然更強!