英超轉會市場結束大總結 精選

今夏轉會市場終於結束
標誌各隊組軍已經完成
從呢個轉會市場，我地睇下有乜野結論？！

破記錄球會轉會費已是等閒事
今夏既轉會市場，加里夫巴爾既轉會費傳破左世界記錄
亦令熱刺都三度破球會記錄買人
就算係阿仙奴既雲加，係最後關頭都一洗以前作風
以4千2百萬鎊買入奧斯爾
破轉會費記錄，對球會黎講已經不重要，最緊要係維持競爭力！

熱刺主席死拖世紀轉會？！
熱刺主席利維係今夏轉會市場一直被稱為大贏家
因為佢以巴爾換七個高質球員
佢一直拖住既轉會，都係唔想皇馬咁快散貨吐現
但係皇馬最後都係賣左人，重要係奧斯爾，比死敵既阿仙奴
利維可能都算到，但只能無奈！

高價賣貨大贏家
今夏轉會市場既大贏家，一定係熱刺同意甲既拿坡里
兩隊一同高價賣一星，換多位高質球員
對組軍好有幫助！

車路士繼續大量借走球員
車路士既球員多到可以組兩隊波
所以繼續借走球員吸收經驗！最大得益可以話係荷甲既維迪斯
共收到六名車仔球員，夠佢地係荷甲打前列

意想不到的雲加
雲加都有瘋狂的時候，但今次佢瘋得理性
最後關頭，佢簽左奧斯爾，已被一致贊賞兼洗底
佢今季一直險簽，兼出價瘋狂，但最後等到既係最高質素被認為可帶領兵工廠令一層次既奧斯爾
由賣謝雲奴到拉美拿，巴爾，奧斯爾既連鎖轉會，係咪佢真係算到？！

失敗的曼聯
曼聯係今夏轉會市場可算是較為失敗
不同既目標，好似艾簡達拿法比加斯都不成功就算最後關頭既安達靴里拉同干查奧都趕唔切
爆炸頭費蘭尼只能為莫耶斯挽回一點面子！

英超爭標更激烈！
總括來說，今屆英超六大球隊（曼聯，曼城，車路士，阿仙奴，熱刺，利物浦）
都簽下不同高質球員，今屆爭標情況一定更激烈！