分析足總盃冠軍韋根護級形勢！ 精選

恭喜韋根贏得今屆足總盃冠軍!
贏左曼城,跟住就要周中對阿仙奴打護級戰!
英超打淨兩輪,韋根距離成功護級有3分之距!
呢度不如韋根分析下護級既形勢
睇下佢地有冇機會步前幾季伯明翰既後塵,贏盃但係該季要降班!

新特蘭、諾域治、紐卡素和
高佢三分有三隊,包括新特蘭、諾域治、紐卡素(38分)
其中新特蘭今輪要作客高佢一分既修咸頓(39分),被迪肯尼奧形容為新特蘭既歐聯決賽
諮域治主場對西布朗,紐卡素作客QPR
如果三隊有38分既球隊都和
韋根對阿仙奴起碼要和,否則護級失敗!

紐卡素/諾域治輸
如以上兩隊輸
咁韋根就算輸比阿仙奴,都有一線新機
因為三隊既得失球差都差唔多
諾域治負22球,另外兩隊負23球
臨尾一輪韋根贏波,仲可以睇下得失球

只有新特蘭輸
如果只有新特蘭輸,咁韋根就要起碼和阿仙奴
因為新特蘭既得失球只係負12球
如果大家仲差三分,最後一輪追到分數,都極難追得失球!

新特蘭、諾域治、紐卡素贏
如果有咁既情況,韋根就一定要贏阿仙奴否則就BYEBYE

其他球隊?
當38分既球隊咁威水贏晒,咁就要睇上少少
39分既修咸頓係今輪同新特蘭大打護級戰,如果輸左
韋根有機會超前,但都要贏晒,因為如果韋根只取四分
最後同修咸頓同分,計得失球都係輸(修咸頓只係負11球)
至於40分係英超傳統護級安全線,有維拉同富咸
事實上,韋根要贏晒兩場先過40分,真係有D難
但係如果佢地贏到阿仙奴,維拉會好驚
因為富咸得失球都係比較好(負11球)
而負22球既維拉,最後一場要作客韋根!
不過既然贏得曼城,凡事都有可能
而且佢地上季作客阿仙奴都贏波!