冬季轉會市場開啟! 各路大軍增兵攻略! 精選

新年開始,對球壇黎講係一個增兵既好機會
不如睇下部分英超球隊既買人預想名單

阿仙奴
皇馬既小將前鋒莫拉達同阿仙奴扯上關係
的確,阿仙奴真係好需要一個正前鋒作替補
依家連貝碧托夫都傳有機會去阿仙奴!

車路士
繼續傳係法甲唔HAPPY既法卡奧
車仔兵工廠一樣,都係要前鋒
另外,法卡奧既哥倫比亞隊友中場古亞連可能係國際米蘭來投,與摩連奴重聚

愛華頓
如果拜恩斯走人,咁就要增兵喇!
不過季中替補佢既左閘奧維多都打得唔錯

富咸
傳韋費特薩夏可能由曼聯借來
而舊將美國隊長丹比斯已確定由美職借來兩個月,幫助護級

曼城
柏歷堅尼會否繼續信任祖赫特,定係買新既高質門將呢?

曼聯
曼聯急需增兵以拉近與前列球隊既距離
馬體會既中場高基同愛華頓左閘拜恩斯都傳左好耐
最新傳既係車路士既馬達

紐卡素
荷蘭前鋒路克迪莊可能係德甲慕遜加柏借過來
另一位可能來投既係馬賽法國前鋒格拿錫
修咸頓
為左繼續維持一定既實力,聖人打算繼續強化防線
意大利國腳艾斯托利係一個被傳既人選
而日本國腳吉田麻也今季會更右艱難

史雲斯
今季既天鵝比上季差既係前線入球能力
因為米祖同新加盟既邦尼都分別受傷
如果買前鋒,紐卡素既前目標,里昂既高美斯會係人選
另外,米祖就建議買/借利物浦既艾斯柏斯

韋斯咸
鎚仔已捲入護級漩渦前鋒卡路爾高價來投然後受傷,令到前線失依靠
一眾前鋒自然係目標,包括加納前鋒佳恩艾沙姆