QPR難護級 精選

今季英超冬季轉會窗平淡，無咩重要轉會發生，但在轉會窗關閉後一日，QPR領隊哈利列納宣佈辭職，這在我眼中比冬季所有轉會都震撼。
今季QPR的成績可以用差劣黎形容，23戰得19分，排倒數第2，作客更是11戰全敗！雖然距離第17位的般尼只是1分，但QPR的前景無疑更差。

哈利列納雖然以健康理由，說急需接受手術而辭職。但事出突然，更是轉會窗後1日。實在難免有靠害之嫌。

首先，要換領隊的球隊都已經在1月換晒 － 水晶宮、西布朗，最少要比新領隊有機會收購球會先有可能有所作為。轉會窗已過，換領隊仲有咩意義！？

第2，現時在英超可以幫球隊護級的領隊人選已經無乜，水晶宮請左柏祖，西布朗更有普利斯。宜家過左轉會窗，要搵領隊，人地都會諗仲可以做D乜？有工係手既都唔會黎啦，即係只剩返待業中個班。
其中最好的選擇就只有之前教過熱刺的舒活。

雖然舒活在熱刺的勝率甚高，不過他無幾多經驗，又未教過護級，管理更加是出名差。QPR就算請到他，都未必有著數。

而家QPR已經降班大熱，球會應該要首先考慮點樣出售Charles Austin獲得最多資金，另外為下年打英冠做準備，希望可以盡快返返上英超。