經歷尋晚主場俾熱刺大炒1-6，大家都有唔同意見，例如林美拉都應該要罰紅牌，麥佳亞踢得幾差等等。今季開局看似不順，開季3場只得1勝2負，得球差為-6，大家都開始諗到底蘇B仲適唔適合做領隊。的確，佢嘅臨場反應係好慢，例如尋晚佢輸到1-6都仲係坐係佢心愛嘅iPad隔離，助教費蘭落場指揮仲多過佢。咁到底應該唔應該炒蘇B？
咁多年嘅問題其實都係球隊對領隊嘅支持不足，例如買唔到佢地想要嘅球員，亂買一班有名氣但係唔符合領隊戰術要求嘅人。而情況去到蘇B上任已經改善好多，起碼佢嘅收購係針對到球隊嘅需要，例如雲比沙卡，麥佳亞（整體其實還可以），般奴，占士等，見到蘇B其實買人嘅眼光唔錯。而今季嘅收購似乎好多阻滯，當其他同級對手都大手買人嘅時候，曼聯到宜家都只係簽左雲達碧克。而似乎泰利斯（Alex Telles）同卡雲尼都即將會官宣，但係上季至今嘅問題-右翼，至今都未有解決嘅方法，傳左成個轉會窗嘅山曹就一直未能成事（好似話會借丹比利🤔），可見球隊嘅管理層其實根本冇提供足夠的支持俾領隊，而有報告指出曼聯嘅班主對曼聯嘅資金投入為負數，即係佢地已經冇資金投入，反而仲要係曼聯身上攞錢走。
當大家覺得要先換領隊例如普捷天奴等，其實根本要改變整個管理層架構，例如聘請足球總監等，但起碼係唔可以再由木仔處理轉會，包括報價，談判等。佢最多只可以做曼聯嘅商業總監，幫曼聯搵多D贊助，商業合作夥伴等。但係足球嘅嘢，佢真係唔太適合去搞，搵艾夫拿或者堅尼搞都好過佢。
結論：我覺得要俾多D時間蘇B，宜家成績唔好係事實，其實距離上次奪得聯賽冠軍都係7年前嘅事，有好多大隊都好耐冇攞過聯賽，俾多D耐性。好重要嘅一點係佢同球員嘅關係唔錯，好少出現更衣室不和嘅消息。呢點對球員同領隊嘅關係建立係好重要，起碼見到班波係仲有心為球隊，為領隊踢波。等埋新加盟嘅球員融入埋球隊，先再睇蘇B嘅去留問題啦
咁多年嘅問題其實都係球隊對領隊嘅支持不足，例如買唔到佢地想要嘅球員，亂買一班有名氣但係唔符合領隊戰術要求嘅人。而情況去到蘇B上任已經改善好多，起碼佢嘅收購係針對到球隊嘅需要，例如雲比沙卡，麥佳亞（整體其實還可以），般奴，占士等，見到蘇B其實買人嘅眼光唔錯。而今季嘅收購似乎好多阻滯，當其他同級對手都大手買人嘅時候，曼聯到宜家都只係簽左雲達碧克。而似乎泰利斯（Alex Telles）同卡雲尼都即將會官宣，但係上季至今嘅問題-右翼，至今都未有解決嘅方法，傳左成個轉會窗嘅山曹就一直未能成事（好似話會借丹比利🤔），可見球隊嘅管理層其實根本冇提供足夠的支持俾領隊，而有報告指出曼聯嘅班主對曼聯嘅資金投入為負數，即係佢地已經冇資金投入，反而仲要係曼聯身上攞錢走。
當大家覺得要先換領隊例如普捷天奴等，其實根本要改變整個管理層架構，例如聘請足球總監等，但起碼係唔可以再由木仔處理轉會，包括報價，談判等。佢最多只可以做曼聯嘅商業總監，幫曼聯搵多D贊助，商業合作夥伴等。但係足球嘅嘢，佢真係唔太適合去搞，搵艾夫拿或者堅尼搞都好過佢。
結論：我覺得要俾多D時間蘇B，宜家成績唔好係事實，其實距離上次奪得聯賽冠軍都係7年前嘅事，有好多大隊都好耐冇攞過聯賽，俾多D耐性。好重要嘅一點係佢同球員嘅關係唔錯，好少出現更衣室不和嘅消息。呢點對球員同領隊嘅關係建立係好重要，起碼見到班波係仲有心為球隊，為領隊踢波。等埋新加盟嘅球員融入埋球隊，先再睇蘇B嘅去留問題啦
請按此登錄後留言。未成為會員? 立即註冊