<E波Live> - 德國歐洲國家盃27人初選大名單 小豬入選

E 波 Live 於 17/05/2016 發表 收藏文章
德國國家隊主帥路維(Joachim Löw) 岩岩公佈左出戰今年歐洲國家盃的27人初選大名單。至於23人既最終名單,5月29日就會正式揭曉。

應屆世界杯冠軍德國,當然屬於今屆歐國盃既奪冠熱門,佢地係分組賽被抽到入C組,同組對手有烏克蘭、波蘭和北愛爾蘭同組,首名出線應該不成問題。

德國隊27人大名單如下:

門將:紐亞(拜仁慕尼黑)、賓特利奴(利華古遜)、達史特根(巴塞隆拿)

後衞:安利簡(利物浦)、謝路美保定(拜仁慕尼黑)、祖拿斯赫達(科隆)、賀維迪斯(史浩克04)、曉姆斯(多蒙特)、梅斯達菲(華倫西亞)、魯迪(賀芬咸)、魯迪格(羅馬)

中場/前鋒:比拿拉比(利華古遜)、白蘭特(利華古遜)、達斯拿(禾夫斯堡)、葛斯(拜仁慕尼黑)、馬里奧-高美斯(比錫達斯)、基迪拉(祖雲達斯)、卻奧斯(皇家馬德里)、甘美治(拜仁慕尼黑)、舒韋恩史迪加(曼聯)、奧斯爾(阿仙奴)、舒賀爾尼(禾夫斯堡)、普多斯基(加拉塔沙雷)、列奧斯(多蒙特)、湯馬士-梅拿(拜仁慕尼黑)、利萊辛尼(史浩克04)、祖利安韋高(多蒙特)

近年德國隊相比起其他國家隊都比較有人情味,就好似當年高路斯都能夠以36歲高齡入選2014世界盃。今次呢份名單大多數都係非常熟識既面孔,包括今季狀態唔算好既舒韋恩史迪加(Bastian Schweinsteiger)同埋已經去左土超搵食既前科隆王子普多斯基(Lukas Podolski)



值得一提既一樣野係,德國隊份名單係將中場同前鋒合成同一欄既,唔得佢地今屆又想整個無鋒陣?


歡迎各位讚好E波Live專頁
https://www.facebook.com/eballlive
個人專頁又得
https://www.facebook.com/talkativegm

留言


請按此登錄後留言。未成為會員? 立即註冊
    快捷鍵:←
    快捷鍵:→