2022年世界盃歐洲區外圍賽 最大 贏家 與 輸家 精選

目前世界盃歐洲區外圍賽(FIFA World Cup Qualifiers (Europe)) 已經打得如火如荼, 各組都有奇兵同豪門被打低, 一於精選幾個出來睇下啦。


最大贏家

土耳其

土耳其在頭兩場已嬴出兩場6分波, 分別 4-2 撃敗荷蘭 以及 3-0 撃敗挪威, 里爾雙核 耶斯治 (Yazici) 以及 耶馬斯 Yılmaz 發揮異常出色, 後者更在阿塔圖克主場戴帽, 為土耳其鄉親父老攞盡面子, 有土耳其媒體豪言這隊跟20年前世盃季軍有得揮。雖然係主場戲劇性領先下俾拉脫維亞迫和3-3, 但三場攞7分都相當不錯。

比利時

比利時嬴E組本身都冇咩懸念, 只不過第二場比捷克迫和都係有D爆冷。然而, 坐擁盧卡古, 迪布尼, 艾達列特等球星的比利時, 同時有都古, 巴舒亞伊狀態回勇。而右翼杜沙特更幾場英超同外圍賽On-fire 更係佢地祭出8-0炒白俄羅斯的關鍵, 相信就算來年踼唔踼白禮頓, 都唔愁無班落。

最大輸家

德國本身都應該唔使係呢個名單裡面, 只係因為兩樣野: 多次失機與後防失誤。當中添姆雲拿 「費托」式失機, 留低輸波伏線, 俾兩位先後效力拿玻里的 北馬其頓傳奇 彭迪夫 與 艾馬斯 (Eljif Elmas)攻破 達斯特根 大門。輸波之後亦將榜首位置相讓俾亞美尼亞。

愛爾蘭

愛爾蘭本身在國家隊爭奪戰先後 失去了迪恩賴斯(Declan Rice) 及基拉利殊(Jack Grealish), 歐國盃外圍賽又 輸俾 斯洛伐克, 已經導致多次換帥。本以為世界盃外圍賽可以重新出發, 點知 先後 輸3-2俾塞爾維亞, 更0-1 輸俾 FIFA 排名98 既盧森堡。結果被愛媒以及 著名 愛爾蘭 Youtuber The Irish Guy, 口誅筆伐, 笑稱 有冇世界級領隊可以救到呢班魚腩素質的球員。



小弟開左個Clubhouse Group, 歡迎入來吹個靚水。
https://www.joinclubhouse.com/club/%E8%B6%B3%E7%90%83%E4%B8%8B%E7%9A%84%E6%A2%9F%E9%9B%84