Boring, Boring, Chelsea?

從低角度看足球 於 03/05/2015 發表 收藏文章

呢編係一編遲來既文, 大家睇既時侯, 可能已經覺得outdated。 但冇辨法, 用左d時間做數據, 講句sorry先!

大戰阿仙奴後, 沈悶的車仔成為球迷激列討論既話題。

車迷自然支持車仔, 但阿仙奴迷, 大部份中立球迷普遍都認為車仔踢法沈悶。

部份原因自然來自摩佬的功利足球, 佢最出名既國米巴塞10打11大巴戰。

又有部份來自泰利(及成隊)和波當嬴歐聯甘慶祝!?

摩佬之後以下列理由反擊:
- 車仔今季入波第二多
- 踢足球既目的係 "攻入對方龍門,同時唔比對方攻入自己龍門"
- 踢足球既目的唔係鬥控球時間長

當然摩佬把口講出黎係有趣得多, 而當然球迷(或反摩球迷)自然完全唔同意啦,

佢地既意見有:
- 阿仙奴無冠, 但華麗, 沒有殺死足球, So I like it!
- 又唔見皇巴拜仁要踢"大巴波"
- 唔計皇巴拜, 連PSG都踢你出局仲甘多野講

呢編文唔係要同人鬧交既, 有關車仔歐聯表現我想係下一編文再講。

呢編文想用本季車仔英超數據, 探討一下車仔係咪真係甘悶。


上圖係本季車仔英超表現, 從圖中可見, 今季嬴對手超過兩球既比賽佔大約43% (侯城3:2 唔計)

馬會當入球大既比賽佔大約40%, 球迷最唔鍾意既大巴0:0 出奇地只有2場 6%,

Boring, Chelsea既代表: 1:0 其實得4場, 1:1 6場, 加埋10場 佔30%

數據上睇上黎其實真係唔算悶。(仲有場大敗熱剌 3:5, 入左8球)

加上入球數據: 主場 31球, 作客 37球, 作客入波仲多過主場, 何解大家都係覺得車仔悶呢?

甘其實數據係死既, 入波多係咪代表好睇呢? 唔計主觀因素(反摩)(別隊死忠球迷), 呢D數據代表D咩呢?

作為摩迷, 我今年睇晒34場車仔英超。以2015年1月17日第22輪作客Swansea為分水領,

我自己認為第22輪之前既車仔一D都唔悶。但由第23輪起, 由於各種原因(球隊低潮,球員傷停,留力杯賽),

下半季車仔D波其實真係幾悶。相比起季初,哥斯達 同 法比 on fire 個十幾場, 車仔有幾場直頭踢到巴塞甘,

法比, 夏神, Oscar, 哥斯達 幾個可以係對手禁區入面踩定個波黎搓, 諗好晒再彈入去入波仲得。

法比第一時間彈3角短傳, 或者後上俾直線助攻, 呢D踢法跟本之前從冇係車仔身上睇過。

但過左季中, 哥斯達開始有小傷, 法比開始下半季低潮病, 呢隊全新車仔又變番舊年個隊,

得番夏神個係左邊攻但攻唔入肉, 偉利安同伊雲唔知邊個先係右閘但總之冇人出到傳中波,

Oscar唔知成場係度做咩。呢一期車仔入波主要來自對手失誤, 但摩佬見到有幾次1:0之後會俾人追番,

基於要保住冠軍, 所以越踢越保守, 場場以不失球為目標, 所以D 1:0, 2:1, 其實大部份係近呢十場既事

作為車迷, 我睇波時只能夠希望有多D死球, 角球, 希望泰利, 伊雲 (冇錯, 兩個都係後衛)入一球,

然後仲要求神拜佛要守住唔好失波, 因為失左好難再入一球!

當然踢到甘功利係無可厚非, 成隊波努力左一季, 甘難得先可以坐住榜首, 比著一個正常人,

會唔會因為一D中立球迷, 或者對手球迷, 要踢巴塞式全攻型足球先?(3前鋒, 2攻中, 2翼衛, 全隊波得3個人做防守)

我作為摩迷, 車迷, 我覺得踢左半季超好波我收晒貨。要鬧既其實係今年前列小聯賽成績。

舊年雙炒曼城,利記, 6:0嬴阿先奴, 今年基本上場場和, 連修咸頓都兩場和。

上半季甘好態都踢得甘保守, 利記今年差左甘多聯賽杯都要加時先出到線?

唯一解釋只有係摩佬已經差不多3年冇攞過冠軍, 車仔5年冇攞過聯賽冠軍,

大家都好緊張呢件事, 變左嬴聯賽冠軍已經緊要過一切了..........

由於中立球迷多數只睇強強對決, 車仔今年對強隊又決心做大丈夫(不失球行先), 加上摩佬型像,

所以佢地覺得車仔踢法悶, 我認為一D都唔出奇, 亦有超過50%可以話係事實, 唔能夠單單以一句入波第二多就諗住KO人。

希望車仔下年可以全季都有今年都有頭15場甘既表現, 下一步係歐聯!

如果喜歡我們的文章,請即分享到︰

標籤: Boring Chelsea  

留言

會員
我要評論
請按此登錄後留言。未成為會員? 立即註冊
  • xptommy
    xptommy 於 03/05/2015 評論 NO. 1

    作為車迷 3-5輸邊隊都搞錯

  • 低能
    低能 於 04/05/2015 評論 NO. 2

    謝謝樓上提點, 太多字一時打錯, Sorry
    已更改

  • 陳世捷
    陳世捷 於 04/05/2015 評論 NO. 3

    中肯

  • KenLo0201
    KenLo0201 於 04/05/2015 評論 NO. 4

    非常認同

  • 2320fai
    2320fai 於 04/05/2015 評論 NO. 5

    利記已經前車可鑑,臨尾香幾慘,保守啲無可厚非,希望尾三場踢番啲娛樂性高嘅現賽比車迷欣賞吓。

  • 低能
    低能 於 04/05/2015 評論 NO. 6

    多謝大家睇晒成編長文,仲要有回覆,多謝,多謝

快捷鍵:←
快捷鍵:→