全場緊迫奏效 阿仙奴打破拜仁不敗之身

近日本港嘅新聞，相信大家未必有心情睇波，希望大家可以早日平復心情，大埔居民可以快啲回復正常生活，亦多謝一班消防員同義工嘅付出。

講返前日阿仙奴嘅歐聯賽事，以3-1擊敗拜仁，打破對方不敗之身。呢場比賽，阿仙奴沒有刻意維持控球，感覺踢法比平時再直接，唔需要做咁多「U型傳球」。

阿迪達今場的戰術重點在於高位逼搶，亦是沒有刻意維持控球的原因。

開賽初段稍為受壓，在防守成功後，很快造成傳球失誤，但於低位防守幾乎沒有漏洞，拜仁亦沒有製造太多具威脅埋門。縱使控球一面倒被對方佔優，阿仙奴的高位逼搶和人盯人防守，做得相當徹底，不時見到中堅莫斯基拉，走到比中圈更前嘅位置，緊迫回後要球的基拿比。阿仙奴先開記錄的入球，其實是源於蘇比文迪前場逼搶成功，而獲得嘅一個角球。
上半場中後段拜仁都積極反擊，及頻頻進行高位壓迫，令戰局變得旗鼓相當。但係下半場初段阿仙奴壓迫強度更高，特別見到左閘的防守企位較前，而且場內球員形成人盯人全場緊迫。而拜仁整體速率稍為下滑，同時又堅持於後場猜傳，呢個情況簡直係正中下懷。攻入二比一嘅入球前，不斷見到一個loop: 拜仁喺後場猜波 -〉龍門/中堅受到壓迫下傳球，傳球質素下降 -〉隊友勉強接應 -〉 波未過到半場，就比阿仙奴逼甩 -〉阿仙奴立即打反擊 -〉 成功造成射門，或者博得死球。

第二個入波，又係來自一次前場壓迫，把握Upamecano一次係後埸誤傳，懷斯搶截成功後，因為艾斯同卡拉菲奧利壓到上前場防守，就順勢向前跑，最後卡拉菲奧利閪底線得到空檔，而造成呢個入助攻，亦反映到透過前場壓迫造成嘅反擊，威力係好大，把握到對手防守未企好位，同埋壓上前場果下Momentum。

阿仙奴其他方面，想輕輕提及幾點：
1. 高低位防守、及攻守轉換係大戰仍然保持一線水準。
2. 唯獨單對單防守，史基利成為今場最大漏洞，三番四次被Olise同Karl突破，又走甩師兄Gnabry而失第一球。
3. 沙卡喺歐洲賽場終於唔使俾兩個後衛招呼，一對一仍然會有優勢4. 艾斯今埸唔係最sharp果幾頭球員，但佢交果球助攻真係好靚，其實難道唔低。
5. 懷斯同蘇比文迪呢對中場組合，越夾越好，互補對方不足，今場應該係懷斯今季最佳。
6. 睇黎馬杜阿基受傷時，有俾足心機溫書，用心了解達sir要求，特別係防守，俾季初頭幾埸比賽進步咗。

拜仁有幾個明顯不足：招架唔住阿仙奴嘅死球攻勢、釋放唔到Harry Kane、Olise防守效率要再提升。要再數多啲缺點都一定有，不過唔好唔記得今埸Diaz停賽缺陣，如果可以夫添上陣，或者形勢又唔同晒。