人去樓空 --- 羅馬

議波論波 於 10/10/2019 發表 收藏文章
羅馬曾經是歐洲球壇數一數二嘅球隊,但隨著多名主力球員離隊,漸漸失去競爭力。

2017-18 歐聯八強,羅馬抽中巴塞,首回合就作客1-4慘敗,次回合回到主場,球隊未有放棄,最終主場3-0擊敗對手,兩回合計4-4,以較多作客入球自1984年以來首次殺入歐聯四強,但四強兩回合計7-6敗於當季亞軍利物浦。

可惜,球季結束後,球隊内部出現好多變動,先係領隊迪法蘭斯高同正選門將艾利臣離隊,球隊失去兩名核心成員之後,更加雪上加霜,後防主力Manolas同中流砥柱Naingolan亦相繼離隊,加上球隊部分核心球員,好似Kolarov,已經年過30,令球隊戰鬥力大大下降,2018-19球季只得第6名,失去歐聯分組賽資格。

羅馬實力每況愈下

至於本季,羅馬多次面對中游球隊都失分,第一輪主場3-3被熱那亞逼和,第五輪0-2主場不低阿特蘭大,第七輪主場1-1被卡利亞里逼和。要扭轉現時劣勢,就必須大手購入有潛質嘅球員同埋盡力挽留主力球員,唔好令到球隊失去更多核心球員,以免影響球隊士氣。

如果喜歡我們的文章,請即分享到︰

標籤: 意甲  羅馬  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→