(阿仙奴文) 阿仙奴需要真正重建,只是雲加走並不足以令球隊回班霸地位

好多人覺得雲加戰術過時,又固執,要走。我認同,他的年代的確已經過去。我也常聽到球迷們說雲加離任,唔出某球員(熱門選擇法明尼,阿迪達,M4,K6,傑比斯,蒙維爾),用年輕球員就會好....但這真的代表我們的重建路會完?我們真的能變回英超甚至歐洲班霸地位?我反而想睇得深入點

之前一路無錢嘅時期,我們不斷賣主力;其他球會則有超級富豪或贊助商大泵水喉。人腳上我們已被放甩。我們這兩年引入大牌球員,但我們行,其他隊一樣照行。主力唔共患難,唔肯續約,我們人腳越差,無冠無錢,到下一批人喊走。一個大遁環。

要重建就做得澈底。我們以前做法較長遠,用青訓,但現在的球壇已經不再許可。培養?一兩季無成績媒體和球迷已經比壓力;仲無冠?兩年後你想「培養」班後生仔已經話唔續約,話要去有錢球會或班霸(你能想像我們的青訓產品如韋舒亞或藍斯想走嗎?)。時代不同了。

我也相信英超球迷和越來越過份的傳媒比壓力(由吹捧到一沈百踩/誇大/無耐性),令靠青年球員越來越難。雲加已經盡力做。
人們話我們唔再比機會年輕球員?張伯倫,傑比斯,韋碧克,CCC尼,牛奶仔,藍斯,張伯斯.....全部都已經是90後,話唔比機會年青球員?未必。要幾多個24歲或以下嘅球員任正選D球迷先滿足?當然唔係個個年青球員都有得出啦,佢哋得唔得操練表現點,積唔積極我哋點知?我都想甘寶多D機會,但中前場真係多選擇(特別如果基佬,O11, 禾仔,P9等相繼復出)。球迷,高層,媒體又比壓力,多年無冠,雲加一定唔似以前咁放。每一分都係錢,英超/歐聯/足總盃雲加只要輸一場都要大咩鑊,陣容當然希望質素保證為先(蒙維,之前一路正選嘅法明尼,傑比斯,阿迪達可能球迷覺得唔夠好,但已經是我們球中較好,人腳問題,說到底又係錢)。多年無冠甚至假設下季無歐聯資格,無錢,主力又要走,又重建,沒完沒了。足球的現實是你想玩長遠,已經無得你玩。

我們青年軍其實最大問題,和阿仙奴一隊的問題一樣,是最頂級青年球員都不需要像以前咁加盟我哋。無成績無錢,頂級的年青球員選其他球隊。我們的青年軍梯隊成績也不好,在第二級別作賽。上季不時上陣,今年長傷的拿比,其實加盟我們前在德國國家青年隊也非常規入選球員,和他同年的球員中他在德國也只二線。青年軍不爭氣,我們選擇越少,仲點靠佢哋?

其實真正根治方法,不得不向現實低頭,我們的第二大股東俄羅斯超級富豪Usmanov一定要入董事會。要大改革,要續約,要增兵,炒雲加搵新的教練團,新的球探系統,乜都是錢。我們前副主席甸恩也在十多年前明白,但富豪化被其他董事否決。但也要向現實低頭。

有人話多蒙特,馬體會人腳一樣唔好,未必一定要金錢掛帥。但他們的成績是否穩定在歐洲最前列,一時好一時壞,季季主力都走,也不是我們想阿仙奴發生的。我們要重建要變,是因為我們想變回昔日班霸。要比較就同皇馬,巴塞,拜仁,車仔比。
以拜仁為例,哥迪奧拿去,拜仁都要比到佢份人工啦。佢一去到拜仁,都要買古沙,泰亞高艾簡達拉,之後簽利雲(自由轉會不過他要冠軍所以投拜仁),買賓拿迪亞,貝拿治.....全部都大手筆改善人腳,配合他理想中的戰術理念。說到尾都係錢作怪。
個人幾Buy 車仔之前嗰套,他們老闆初期泵水候,做好個Brand, 有世界級球星嚟,留到人,請有保證和號召力的大牌教練,做好成績.....跟著慢慢轉型,利用球會建立的號召力將星低買高賣。現在Abramovic也不用大開水堠了,他們也自己搞得掂。

其實現在這些班霸,總在一個時期是用錢堆砌。我們當然也可以唔做班霸,行現在這一套,但球迷要滿足於年年排第三/四/五,歐聯次回合出局囉,但也不大可能。球員們也不可能想原地踏步

我們較尷尬是現時好多球員都唔算太願意加盟,靠雲加從前建立的號召力和年年勉強保前四叫有番個歐聯資格。雲加他日唔做,退休,我怕連頂級球員完全都搵唔到理由加盟。如果現在有錢, 買多幾個世界級球星輔助下山齊士韋舒亞,攞一次英超/歐聯,接雲加班的下一位也較容易上手。

雲加走,不是問題;但請好教練唔洗錢嗎?像拜仁買球員配合新教練的戰術理念不用錢嗎?如果球會唔搞好內部和管理層的政治糾紛,無錢無冠無人腳,主力喊走,又重建,幾時完?

我是覺得俄羅斯超級富豪Usmanov(阿仙奴第二大股東,俄羅斯首富,own 30.1% 阿仙奴股權,多我們大股東Stan Kroenke(美國人,也是NBA,NFL球隊班主)3.2倍身家(據Forbes, http://www.forbes.com/profile/alisher-usmanov/))應入董事局。不是一定要踢金錢足球,但留條後路也非壞事。

也許,真正重建真的要向現實低頭

如果喜歡我們的文章,請即分享到︰

留言


請按此登錄後留言。未成為會員? 立即註冊
  • Akakak 於 24/11/2014 評論 NO. 1

    此文簡直on居
    講到所有野都係錢既問題
    冇錯,而家球壇錢係好緊要
    不過阿仙奴呢兩年都已經駛左好多錢
    問題係駛完之後有冇好好運用陣容同戰術
    根本雲格難辭其咎
    都係落台吧啦

  • 德甲Nicholas 於 24/11/2014 評論 NO. 2

    我絕對覺得雲加要走

    但改變只是雲加走? 太表面;阿仙奴需要大規模改革,應由頂開始做起,改善內部糾紛和政治因素 ,換教練才有意思,也令球隊可以有錢添兵和留主力;之前我們要靠賣主力維生而其他球隊不斷添世界級人才的時期,我們現在要追但實在落後,今季如無冠(甚至歐聯席位)....相信同樣故事只會發生
    雲加走,不是問題;但請好教練唔洗錢嗎?像拜仁買球員配合新教練的戰術理念不用錢嗎?如果球會唔搞好內部和管理層的政治糾紛,無錢無冠無人腳,主力喊走,又重建,幾時完?
    以拜仁為例,唔好的教練他們會炒(馬加夫), 但每次新教練上任他們在轉會市場也盡量配合。
    阿仙奴,如內部糾紛和財力無改善,只換教練只是換湯不換藥。 改革要從深層做起。我也不希望"金錢足球",但我們已經在之前財困的年代落後太多,要成績回到頭一,兩名,不得不向現實低頭。

    球迷們要的中場中如撲格巴和干度比亞,左閘列卡度洛迪古斯和Digne,萊斯,候姆斯,拉博迪。。。。全部都是25mil開外先有得諗既。現在我們的負債減少,添兵不能說不重要,看山齊士來到的作用。這是現代足球,特別在英超一個無奈的現實。隔離隊隊隊有大水喉超住,你無,你話要骨氣,ok. 但就是有錢個三隊永遠係你前面囉。有錢,你可以選擇唔亂用,但至少多條後路和選擇

  • 德甲Nicholas 於 24/11/2014 評論 NO. 3

    我們7年前開始要靠賣主力維生,這一兩年買番人之係開始追落後的

    但其他隊的添兵是這一年前開始,一出一入,阿仙奴只是趕落後。但距離班霸還差太遠

  • ahbin 於 24/11/2014 評論 NO. 4

    又係迷雲黨Y理?阿媽女人的原理?雲膠一定要走!工廠先有生機!都係阿媽係女人嘅答案!主場廠迷未到80分鐘走咗一半?已經好清楚表態…响呢moment我地要爆啦!雲膠走啦…真係頂你唔順吖…

  • Mike18 於 24/11/2014 評論 NO. 5

    曼狗咁弱都輸得俾佢!雲格你走吧!

  • 槍迷 於 25/11/2014 評論 NO. 6

    錢固然重要 但係換領隊係更逼切既問題 一個領隊連用人 戰術 場上調動都未做得好 上中下游球隊只靠一招防反就收你皮 球隊就真係唔需要你 老老實實 當年唔係大帝柏金皮里斯火雲邪神班人 雲加邊有今日 仲以為自己既「戰術」行得通就太天真啦

快捷鍵:←
快捷鍵:→