未竟全功,香港仍須努力!

丹風 於 15/06/2017 發表 收藏文章

能在北韓身上取得分數,過程更是互有攻守,從戰果和球員發揮角度絕對收貨。但兩戰得一分,加上黎巴嫩已手執六分,港隊若想晉級亞洲盃主賽,實在未容鬆懈。

香港隊今仗表現出近年難得一見的攻守平衡。首先進攻套路清晰,放過頭波到北韓兩閘的盲眼位,給高梵和艾力士衝刺,製造混亂。陳俊樂的入球,正正是艾力士逼甩對手造成。高梵的速度亦為北韓的後衛添上不少麻煩,他多次沿邊線推進,逼得對手以超技術攔截,更有一次在禁區內被侵犯但球證沒有判罰十二碼。

相比以往直接從後場踢上前,選擇經中場或推至近中圈位置才傳球,來得簡單但實際。然而,港隊明顯需要一個制空權和身位更好的中鋒停球,沒有入選的辛祖是一個好人選(雖然金教練過往多把他放到中場位置控球),另一入選的入籍兵基奧技術稍嫌粗糙,但也是衝擊防線的好人選,今場未見他有機會證明自己,僅在補時階段入替,假如教練挑選他,便應該相信他的能力,起碼給予他10-15分鐘時間。

撇除羅拔圖的失誤導致失球,今日港隊防線面對身形、射術和速度兼備的北韓攻擊球員十分專注。三中堅之一的基藍馬決定略為遲疑,控球推進的踢法看得驚險但沒有大錯漏,假如狀態提升表現會更好,而右翼衛李志豪今場踢得吃力,在體力幾近耗盡的情況下,憑意志和技術勉強抵擋得住對方。積施利的入替對他幫助甚多,但入替李志豪而非麥基可能更佳,後者體力明顯更充沛。

值得一讚的是,香港隊刻意把球場劃細,有利己隊防守。要知道一個身位足以走漏一記直線和入楔。而且上次東亞盃半力出擊以一球輕取港隊,今次全力出擊竟然陷入苦戰,優勢並不明顯之餘,末段更有多位球員抽筋,港隊的體能和意志進步不少。

回到現實,還要認清楚我們的目標:歷史性晉級亞洲盃決賽週。未來要在同組最弱的對手馬來西亞全取六分之餘,更要在主場對黎巴嫩和作客北韓取得兩至三分才有出線的機會。但北韓的主場連日本、烏茲別克亦俯首稱臣,第二圈外圍賽主場賽事更未嘗一敗。馬來西亞勉強算是同級對手,港隊可在中國身上保持不失,卻可以大意失球給中華台北和關島,港隊必須要更專注才有機會雙殺馬拉。足球賽事沒有不可能,做好每個細節,保持今場的鬥志,一起創造奇蹟!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • 閒雲野鶴
    閒雲野鶴 於 15/06/2017 評論 NO. 1

    唔知呢個賽果有冇令北韓再一次生靈塗炭......

  • d_fung
    d_fung 於 15/06/2017 評論 NO. 2

    北韓教練安達臣咁講:「我住了平壤一年,以我所知大部份講述北韓的事情都是不正確,在平壤生活上是完全沒問題,而寫北韓負面事情的人在動筆前應想想,他們所講的都不正確。」
    信不信由你,哈哈。

  • 閒雲野鶴
    閒雲野鶴 於 15/06/2017 評論 NO. 3

    首先,因為平壤真係北韓最繁華嘅地區,只限權貴停留居住。所以佢覺得冇問題係 "尚算合理"。然而,北韓人根本就冇膽講真話,點可能大大聲唱衰祖國?除非佢已經脫北成功,又或者佢喺北韓已經冇任何家人作為痛腳啦。

    北韓咁多年來,最仆街都係任何郊區人民長年鬧飢荒,活生生餓死以萬計嘅人民。地球上唯一一個只得黃土、幾乎寸草不生,連動物都冇嘅自然環境就喺北韓境內,人民餓到乜春都會捉嚟醫肚!

    金氏寧可將啲錢花喺發展軍事上同金氏家族私人設施上,都唔會諗減少餓死幾多人。金氏用極刑剷除異己嗰啲,都反而係其次嘅事!

  • Lui Wai 達仔
    Lui Wai 達仔 於 15/06/2017 評論 NO. 4

    『而右翼衛李志豪今場踢得吃力,在體力幾近耗盡的情況下,憑意志和技術勉強抵擋得住對方。積施利的入替對他幫助甚多,但入替李志豪而非麥基可能更佳,後者體力明顯更充沛。』

    唔係掛,李志豪呢場表現差不多無可挑剔,到尾都唔覺佢跌Watt,反而麥基有啲莫氣就真!

  • Yim Ka Yeung
    Yim Ka Yeung 於 16/06/2017 評論 NO. 5

    當然和波都唔錯,但係反而想睇最尾再換入多d進攻球員同佢地搶攻

  • d_fung
    d_fung 於 16/06/2017 評論 NO. 6

    @Lui Wai 達仔,下半場中段開始已經睇到李志豪腰都挺唔直,大腿肌肉完全繃緊,無企直過,因為我坐最底,好清楚睇到。而且之後完全追唔到波,有兩下要基藍馬殺出去禁區邊,搞到禁區補位混亂。

  • d_fung
    d_fung 於 16/06/2017 評論 NO. 7

    @Yim Ka Yeung,完全認同,不過我尊重金教練,佢最清楚球員體能狀況,可能覺得唔守會輸埋。

快捷鍵:←
快捷鍵:→