個人得到最佳殊榮，但隊波就被踢出局。呢種心酸嘅感覺，38歲嘅摩迪最明白。
分組賽最後一場對意大利，克羅地亞有摩迪先建功領先，全場都能夠控制比賽，只要守住一球優勢就可以晉級十六強。但90+8被絕殺，開波後球證即吹雞，克羅地亞被意大利絕殺迫和冇仇報，幾乎肯定絕盡歐國盃。
上場比賽克羅地亞被阿爾巴尼亞以2-2絕殺，主帥達歷自知勢色不對，今場關鍵戰役喺前線同後防作出5個換人，另外將防守大將加華迪奧推去左閘，老將佩利錫先列後備。保素域、摩迪、高華錫呢個中場三角就得以保留，保素域負責逗波，摩迪同高華錫時常墮後，連結返後場嘅傳控。
鑑於兩閘加華迪奧、史坦尼錫都需要收窄企位先可以發揮到功效，克羅地亞兩翼嘅拉邊，先至可以確保到球隊有足球嘅球場闊度去打出進攻表現。不過，意大利嘅調動同防守都做得好好，成功將克羅地亞兩翼留喺half-space，而唔係達歷要嘅邊路，令克羅地亞嘅節奏拖得好慢，久久未能入波。
調返轉講，意大利嘅進攻，都比克羅地亞嘅壓迫同點對點針對成功壓制咗落嚟，上述用中堅嚟打閘閘嘅調動，雖然令克羅地亞進攻拖慢，但本身嘅用意係加強返邊路嘅防守能力，呢個部署成功做得到，而達歷到完場都冇放棄到呢個四人防線嘅組合，真係差少少就可以完成任務。
而摩迪今場就有發揮到關鍵先生嘅作用，喺球隊被意大利以整體戰術限制嘅情況下，都盡力以跑動維持球隊控球時嘅順暢，同埋配合球隊對意大利嘅壓迫，令克羅地亞喺上半場能夠同意大利拉成均勢。而喺下半場開波10分鐘，摩迪更入楔遠柱補射得手，令格仔軍先開紀錄，彌補返先前射失十二碼嘅過失。
手握4分在手，克羅地亞出線局面明朗好多，意大利亦一直被克羅地亞進一步壓後。摩迪都喺81分鐘離場休息。但足球就係咁殘酷，全場好波不如一腳好波，意大利幾乎無計可施之下，後備兵薩卡尼捉到史坦尼錫少有嘅空位，補時8分鐘一腳靚射，把握到全場最黃金嘅機會，令意大利力壓克羅地亞奪得次名，直接晉級。全場博命付出所有，但都係得唔到最想要嘅結局。摩迪手握全場最佳球員嘅榮譽，但面上無光。喺2018年世界盃，摩迪手握金球獎，但輸咗場決賽。今日摩迪喺關鍵一役再一次拎到MOTM，但球隊幾乎出局。
就喺月頭，摩迪再度隨皇馬奪得歐聯冠軍，正式成為世上4個6奪歐聯錦標嘅歐聯王者之一。但係過往6年間，佢始終唔能夠帶領克羅地亞更上一層樓，2018年世界盃亞軍、2022年世界盃季軍嘅成績，雖然話已經算係有所交待，但係以摩迪呢種世界級球星嚟講，又點會甘心？
分組賽最後一場對意大利，克羅地亞有摩迪先建功領先，全場都能夠控制比賽，只要守住一球優勢就可以晉級十六強。但90+8被絕殺，開波後球證即吹雞，克羅地亞被意大利絕殺迫和冇仇報，幾乎肯定絕盡歐國盃。
上場比賽克羅地亞被阿爾巴尼亞以2-2絕殺，主帥達歷自知勢色不對，今場關鍵戰役喺前線同後防作出5個換人，另外將防守大將加華迪奧推去左閘，老將佩利錫先列後備。保素域、摩迪、高華錫呢個中場三角就得以保留，保素域負責逗波，摩迪同高華錫時常墮後，連結返後場嘅傳控。
鑑於兩閘加華迪奧、史坦尼錫都需要收窄企位先可以發揮到功效，克羅地亞兩翼嘅拉邊，先至可以確保到球隊有足球嘅球場闊度去打出進攻表現。不過，意大利嘅調動同防守都做得好好，成功將克羅地亞兩翼留喺half-space，而唔係達歷要嘅邊路，令克羅地亞嘅節奏拖得好慢，久久未能入波。
調返轉講，意大利嘅進攻，都比克羅地亞嘅壓迫同點對點針對成功壓制咗落嚟，上述用中堅嚟打閘閘嘅調動，雖然令克羅地亞進攻拖慢，但本身嘅用意係加強返邊路嘅防守能力，呢個部署成功做得到，而達歷到完場都冇放棄到呢個四人防線嘅組合，真係差少少就可以完成任務。
而摩迪今場就有發揮到關鍵先生嘅作用，喺球隊被意大利以整體戰術限制嘅情況下，都盡力以跑動維持球隊控球時嘅順暢，同埋配合球隊對意大利嘅壓迫，令克羅地亞喺上半場能夠同意大利拉成均勢。而喺下半場開波10分鐘，摩迪更入楔遠柱補射得手，令格仔軍先開紀錄，彌補返先前射失十二碼嘅過失。
手握4分在手，克羅地亞出線局面明朗好多，意大利亦一直被克羅地亞進一步壓後。摩迪都喺81分鐘離場休息。但足球就係咁殘酷，全場好波不如一腳好波，意大利幾乎無計可施之下，後備兵薩卡尼捉到史坦尼錫少有嘅空位，補時8分鐘一腳靚射，把握到全場最黃金嘅機會，令意大利力壓克羅地亞奪得次名，直接晉級。全場博命付出所有，但都係得唔到最想要嘅結局。摩迪手握全場最佳球員嘅榮譽，但面上無光。喺2018年世界盃，摩迪手握金球獎，但輸咗場決賽。今日摩迪喺關鍵一役再一次拎到MOTM，但球隊幾乎出局。
就喺月頭，摩迪再度隨皇馬奪得歐聯冠軍，正式成為世上4個6奪歐聯錦標嘅歐聯王者之一。但係過往6年間，佢始終唔能夠帶領克羅地亞更上一層樓，2018年世界盃亞軍、2022年世界盃季軍嘅成績，雖然話已經算係有所交待，但係以摩迪呢種世界級球星嚟講，又點會甘心？
請按此登錄後留言。未成為會員? 立即註冊