費歷克加盟巴塞隆拿 如何將新元素注入「地上最強」？ 精選

一片混亂之中，巴塞隆拿搵到新嘅教練，嚟自德國嘅費歷克（Hansi Flick）。
據《The Athletic》報導，早喺沙維今年年初宣佈「辭職」之時，巴塞已經開始着手搵新嘅教練，而當時被德國國家隊解職冇耐嘅費歷克，就係巴塞高層嘅目標之一。自此雙方一直有聯絡，只差一紙官宣。但到咗季尾，沙維被巴塞說服，改變心意下季留隊，令費歷克有啲不知所措。佢當時以為自己篤定係巴塞嘅新教頭，西班牙文都已經學定，點知最後得個桔。