【三雄爭霸】曼城四月重奪榜首 利記、阿記敗在箭頭把握力 精選

第32輪英超聯賽，曼城係主場大勝盧頓，而阿仙奴、利物浦各自喺主場輸波。此消彼長，喺聯賽冠軍爭奪戰進入白熱化階段之際，衛冕冠軍曼城以2分嘅優勢，暫時重奪榜首大位。

呢個星期，三軍嘅成績，分分鐘係逆轉今季聯賽走勢嘅關鍵。偏偏打出大勝嘅曼城，今場係半力出擊，反而阿仙奴、利物浦各自喺主場佈下強陣，就一分未得。

本身係榜首嘅阿仙奴，以0-2負予阿士東維拉腳下，屈居次席。阿迪達喺上季嘅陣容基礎之下，今季成功升級，實力增強唔少，但箭頭加比爾捷西斯（Gabriel Jesus）嘅狀態，分分鐘再次令阿仙奴同冠軍失之交臂。