【巴黎 vs 巴塞】從變陣和調整，看兩軍佈局細節 精選

仲記得2017年，巴塞隆拿嘅0-4嘅絕境下，返到主場6-1反絕殺巴黎聖日耳門，魯營球場殺聲震天，當為歐聯其中一場最經典嘅戰役。

7年過去，兩軍再次喺歐聯八強相遇，但整體星味已經不如以往。

以近態嚟講，啱啱喺法甲被榜尾球隊基蒙特迫和嘅PSG，似乎唔夠以3-0大勝馬體會嘅巴塞咁銳利，休息時間都冇巴塞咁多。不過，喺對基蒙特失兩分嘅前一場波，PSG作客國內競敵馬賽，喺大半場要10人應戰嘅情況下，安歷基喺下半場變陣，換成4-4-1放棄突擊嘅銳利度，換成更緊密嘅防線，都能夠鎖定2-0嘅勝局。對馬賽全場撲救10次嘅門將當拿隆馬，上一場比賽都休息，養精蓄銳對付巴塞鋒線，尤其是中鋒利雲度夫斯基嘅發揮。