對錫菲聯「臨天光瀨尿」 車路士近期失球頻頻 精選

對榜尾嘅錫菲聯「臨天光瀨尿」，臨尾都要嘔返2分出嚟，車路士後防嘅問題，實在值得檢討。

近期打出不敗走勢嘅車路士，週末英超作客幾乎篤定降班嘅錫菲聯，先有復出嘅中堅老將泰亞高施華（Thiago Silva）先開記錄，但錫菲聯好快就追平。難得有正選機會嘅馬度亞基（Noni Madueke）再度為球隊領先，但優勢帶唔到去完場雞一刻，錫菲聯中鋒麥般尼補時2分鐘絕殺，為主隊執返分。

計一計，車路士三月以嚟五場英超比賽，雖然一場都冇輸過，但每場都失至少2球，穩定性著實低迷。